Pune Gold Rate: देशांतर्गत बुलियन बाजारात सोने आणि चांदीच्या किमतीत सलग चढउतार सुरू असून गुरुवारी (27 नोव्हेंबर) सकाळी दरांत लक्षणीय वाढ नोंदवली गेली आहे. इंडियन बुलियन अँड ज्वेलर्स असोसिएशन च्या ताज्या आकडेवारीनुसार, 24 कॅरेट सोन्याचा दर वाढून 1,26,081 रुपये प्रति 10 ग्रॅम झाला आहे. तर चांदीचा भावतही वाढ होऊन 1,59,025 रुपये प्रति किलो वर पोहोचला आहे. (latest gold rate news)
अखिल भारतीय सराफा संघाच्या माहितीनुसार, स्थानिक कर आणि इतर शुल्कांसह सोने–चांदीचे दर आणखी वाढले आहेत. जागतिक बाजारातही या मौल्यवान धातूंमध्ये तेजी दिसत असून सोने 4,164.30 डॉलर प्रति औंस, तर चांदी 52.37 डॉलर प्रति औंस वर पोहोचली आहे.
हेही वाचा: भाजप-शिंदे गटात तणाव वाढला! युती टिकणार की तुटणार? दिल्लीतून आला ‘हा’ अंतिम आदेश
पुण्यातील सोन्याचा दर किती?
पुण्यात आज सोन्याचा भाव 24 कॅरेट सोन्यासाठी प्रति ग्रॅम 12,775 रुपये , 22 कॅरेट सोन्यासाठी प्रति ग्रॅम 11,710 रुपये आणि 18 कॅरेट सोन्यासाठी 9,581 रुपये प्रति ग्रॅम आहे.
वायदे बाजारात वाढ कायम
MCX वरील व्यवहारात सोन्याचा भाव वाढून 1,25,700 रुपये प्रति 10 ग्रॅम, तर चांदीचा दर 1,57,709 रुपये प्रति किलो वर पोहोचला आहे.
तीन दिवसांत सोन्यात मोठी उसळी
25 नोव्हेंबर: 24 कॅरेट सोन्याच्या किमतीत प्रति ग्रॅम 191 रुपयांची वाढ
26 नोव्हेंबर: प्रति ग्रॅम 87 रुपयांनी वाढ
चांदीच्या दरातही मोठी वाढ
25 नोव्हेंबर: चांदी किलोमागे 4,000 रुपये महागली आहे.
26 नोव्हेंबर: दरात पुन्हा 2,000 रुपयांची वाढ झाली आहे.
स्थानिक कर आणि इतर शुल्कांमुळे शहरानुसार किंमतीत बदल असतो.
हेही वाचा: शेतकऱ्यांना मोठा दिलासा! सरकारने कर्जाविषयी घेतला महत्वाचा निर्णय; जाणून घ्या संपूर्ण माहिती
