पुणे: पुण्यातील येरवडा परिसरात एका (Pune Crime) नवविवाहित महिलेसोबत अत्यंत (Viral News) घृणास्पद कृत्य केल्याचा धक्कादायक प्रकार उघडकीस आला आहे. 29 वर्षांच्या महिलेने पोलिसांकडे तक्रार दाखल केली असून तिच्या 33 वर्षांच्या पतीसह सासू, नणंद, चुलत नणंद आणि चुलत सासरे यांच्यावर गुन्हा दाखल करण्यात आला आहे. (Pune Breaking News)
नववधूचा संबंधांसाठी पुढाकार
ही घटना 11 एप्रिल ते 15 जून 2025 दरम्यान घडली आहे. फिर्यादी महिलेचा 11 एप्रिल 2025 रोजी मुस्लीम रितीरिवाजाने विवाह झाला. लग्नानंतर पहिल्या रात्री पतीने झोप येत असल्याचे सांगून तिच्याजवळ येण्यास नकार दिला. पुढील काही दिवसही तो तिच्याजवळ येत नसल्याने महिलेने स्वतः पुढाकार घेतला तेव्हा पती शारीरिक संबंध ठेवण्यासाठी सक्षम नसल्याचे तिच्या लक्षात आले. याबाबत तिने त्याला डॉक्टरांकडे जाण्याचा सल्ला दिला असता तो पूर्णपणे ठीक असल्याचे सांगत तिला दुर्लक्ष करत राहिला.
पती आई अन् बहिणीजवळ झोपायचा
महिलेच्या म्हणण्यानुसार, ती पुढाकार घेत असतानाही पती तिला झिडकारून बेडरूममधून चालल्या जायचा आणि नंतर तो आपल्या आई व बहिणीजवळ झोपू लागला. हा प्रकार तिने सासूकडे सांगितला असता कोणतीही प्रतिक्रिया न देता तिला शांत बसण्यास सांगितले. महिलेने घरच्यांपुढे प्रश्न उपस्थित केल्यावर तिला लग्न टिकवण्याचा दबाव टाकण्यात आला.
प्रायव्हेट पार्टवर सिगरेटचे चटके
तिच्या म्हणण्यानुसार, सासू आणि चुलत सासऱ्यांनी तिला कोणालाही काही सांगू नकोस अशी धमकी दिली. तक्रारीत नमूद केले आहे की पतीने तिच्या प्रायव्हेट पार्ट आणि मांड्यांवर सिगारेटचे चटके दिले. या घटनेमुळे ती मानसिकदृष्ट्या खचली आणि अखेर तिने पोलीसांकडे धाव घेतली. येरवडा पोलिसांनी सर्व आरोपींवर भारतीय न्याय संहिता आणि संबंधित कायद्यांनुसार गुन्हा दाखल केला आहे. या प्रकरणाचा पुढील तपास सुरू असून पीडितेला योग्य न्याय मिळण्यासाठी आवश्यक ती कार्यवाही करण्यात येत असल्याचे पोलिसांनी सांगितले आहे.
