अमित मुंडीक
पुणे: पुणे शहर गुन्हे शाखेच्या दरोडा व वाहनचोरी विरोधी पथक-१ ने १७ महिन्यांपासून फरार (Pune Crime) असलेल्या पाहिजे आरोपीस अटक करून मोठी कारवाई केली आहे.दि. १३/०२/२०२६ रोजी दरोडा व वाहनचोरी विरोधी पथक-१ मधील पोलीस अंमलदार साईकुमार कारके (बॅ. नं. ८७३२) यांना गोपनीय बातमीदारामार्फत माहिती मिळाली होती की, उत्तमनगर पोलीस ठाण्यात दाखल गु.र.नं. ११८/२०२४ अंतर्गत शस्त्र अधिनियम कलम ३, ४, २५ तसेच महाराष्ट्र पोलीस अधिनियम कलम ३७ (१), ३७ (३), १३५ व भारतीय न्याय संहिता कलम ३१० (४), ३१० (५) मधील निष्पन्न पाहिजे आरोपी महादेव श्रीरंग झाडे (वय २१, रा. अतुलनगर, चौधरी शाळेच्या पाठीमागे, एन.डी.ए. रोड, वारजे माळवाडी, पुणे) हा मिळून येणार असल्याची माहिती मिळाली.
मिळालेल्या माहितीनुसार पथकाने सापळा रचून सदर आरोपीस ताब्यात घेतले. अधिक चौकशीदरम्यान आरोपीने दाखल गुन्हा केल्याची कबुली दिली. त्यानंतर पुढील तपासकामी आरोपीस उत्तमनगर पोलीस ठाण्याच्या ताब्यात देण्यात आले आहे.
ही कारवाई पुणे शहरचे मा. अपर पोलीस आयुक्त (गुन्हे) श्री. पंकज देशमुख, मा. पोलीस उप आयुक्त (गुन्हे) श्री. निखिल पिंगळे, मा. सहा. पोलीस आयुक्त (गुन्हे-३) श्री. शंकर खटके व पोलीस निरीक्षक वर्षा देशमुख यांच्या मार्गदर्शनाखाली दरोडा व वाहनचोरी विरोधी पथक-१, गुन्हे शाखा, पुणे शहर पोलीस मधील पोलीस अंमलदार साधना पवार, रेहाना शेख, साईकुमार कारके, महेश पाटील यांनी यशस्वीरीत्या केली.
