अमित मुंडीक
पुणे: आगामी निवडणुकांच्या (Pune Crime) पार्श्वभूमीवर अवैध धंद्यांविरोधात कारवाईचे आदेश असताना विमानतळ पोलीस स्टेशन, पुणे शहर अंतर्गत मोठी कारवाई करण्यात आली. दिनांक २७/१२/२०२५ रोजी साकोरेनगर विमाननगर येथील हॉटेल द नॉयर येथे बेकायदेशीररित्या सुरू असलेल्या हुक्काबारवर अचानक छापा टाकण्यात आला. (Latest Marathi News)
या कारवाईत धर्मश राज स्वामी (वय ३१, रा. वडगाव शेरी, पुणे) याच्या ताब्यातून २१,६८० रुपयांचा तंबाखुजन्य हुक्का फ्लेवर, हुक्का पॉट व इतर साहित्य जप्त करण्यात आले. सदर हुक्काबार अवैधरित्या चालवित असल्याचे निष्पन्न झाल्याने विमानतळ पोलीस स्टेशन येथे तंबाखूजन्य उत्पादने (महाराष्ट्र सुधारणा) अधिनियम २०१८ चे कलम ४-अ व २१-अ अन्वये गुन्हा दाखल करण्यात आला आहे.
ही कारवाई मा. अपर पोलीस आयुक्त (पूर्व प्रादेशिक विभाग) मनोज पाटील, मा. पोलीस उपायुक्त परि-०७ सोमय मुंडे व मा. सहाय्यक पोलीस आयुक्त, खराडी विभाग प्रांजली सोनवणे यांच्या आदेशानुसार वरिष्ठ पोलीस निरीक्षक गोविंद जाधव यांच्या मार्गदर्शनाखाली पोलीस उपनिरीक्षक नितीन राठोड व त्यांच्या पथकाने, तसेच राज्य उत्पादन शुल्क विभागाच्या सहकार्याने यशस्वीरीत्या पार पाडली.
