पुणे: लाडकी बहीण योजनेच्या (Ladaki Bahin Yojana) लाभार्थ्यांसाठी दिलासादायक बातमी आहे. ई-केवायसी पूर्ण करूनही अनेक महिलांच्या खात्यात नोव्हेंबर-डिसेंबरचा हप्ता (Ladaki Bahin Yojana Update) जमा न झाल्यामुळे राज्यभर नाराजी व्यक्त होत होती. आता या गोंधळाला पूर्णविराम (Ladaki Bahin Yojana e-KYC) देण्यासाठी सरकारने महत्त्वाचा निर्णय घेतला असून, पात्र महिलांची अंगणवाडी सेविकांमार्फत प्रत्यक्ष घरोघरी पडताळणी करण्यात येणार आहे. (Ladaki Bahin Yojana News)
लाडकी बहीण योजनेअंतर्गत महिलांना दरमहा आर्थिक मदत देण्यात येते. मात्र यासाठी ई-केवायसी अनिवार्य करण्यात आली होती. 31 डिसेंबर 2025 ही केवायसीची अंतिम मुदत होती. बहुतांश महिलांनी वेळेत ई-केवायसी केली असतानाही, काही तांत्रिक त्रुटी आणि चुकीचा पर्याय निवडल्यामुळे हजारो महिलांचे पैसे थांबले होते. या संदर्भात अनेक महिलांनी थेट मुख्यमंत्री आणि प्रशासनाकडे तक्रारी केल्या होत्या.
महिला व बालविकास मंत्री आदिती तटकरे यांनी दिलेल्या माहितीनुसार, आता जिल्हाधिकाऱ्यांना स्पष्ट सूचना देण्यात आल्या असून, लाभार्थ्यांची प्रत्यक्ष क्षेत्रीय तपासणी केली जाणार आहे. अंगणवाडी सेविका संबंधित महिलांच्या घरी जाऊन कागदपत्रांची पाहणी करतील, माहिती पडताळतील आणि पात्रतेची खातरजमा करतील. त्यानंतर पात्र महिलांच्या खात्यात थकलेले हप्ते जमा करण्यात येणार आहेत.
या पडताळणीत खालील निकष तपासले जाणार आहेत-
• वय 21 ते 60 वर्षांदरम्यान असणे
• वार्षिक उत्पन्न 2.5 लाख रुपयांपेक्षा कमी असणे
• कुटुंबाकडे चारचाकी वाहन नसणे
• शासनाच्या निकषात बसणारी लाभार्थी असणे
या निकषांमध्ये बसणाऱ्या महिलांनाच योजनेचा लाभ दिला जाणार आहे.
राज्यातील लाखो महिलांसाठी लाडकी बहीण योजना ही मोठा आधार ठरली आहे. मात्र तांत्रिक अडचणींमुळे अनेक महिलांना आर्थिक मदतीपासून वंचित राहावे लागत होते. आता प्रत्यक्ष पडताळणीमुळे पात्र महिलांना न्याय मिळणार असून, रखडलेले पैसे लवकरच खात्यात जमा होतील, अशी अपेक्षा व्यक्त केली जात आहे. महिलांनी अंगणवाडी सेविकांशी सहकार्य करावे आणि आवश्यक कागदपत्रे तयार ठेवावीत, असे आवाहन प्रशासनाकडून करण्यात आले आहे.
