पुणे: पुण्यातील कुख्यात गुंड बंडू आंदेकर (Bandu Andekar) याच्यासह लक्ष्मी आंदेकर (Lakshmi Andekar) आणि सोनाली आंदेकर यांना (Sonali Andekar) न्यायालयाने निवडणूक (Vanraj Andekar) लढवण्यासाठी परवानगी दिली आहे. या परवानगीनंतर काल शनिवारी लक्ष्मी आंदेकर आणि (Kalyani Komkar) सोनाली आंदेकर यांनी आपले उमेदवारी अर्ज दाखल केले. तर आंदेकर टोळीचा म्होरक्या बंडू आंदेकर हातात बेड्या आणि गळ्यात (Pune Crime) दोरखंड असलेल्या अवस्थेत घोषणाबाजी करत पुणे महापालिका निवडणुकीसाठी भवानी पेठ क्षेत्रीय कार्यालयात अपक्ष उमेदवारी अर्ज दाखल करण्यासाठी गेला होता. मात्र अर्ज अपूर्ण असल्याने तो अर्ज स्वीकारण्यात आला नाही. आता सोमवारी 29 डिसेंबर रोजी पुन्हा अर्ज भरणार असल्याची माहिती आहे. (Latest Marathi News)
लेकीचा तीव्र संताप
आंदेकर कुटुंबियांनी उमेदवारी अर्ज भरल्यानंतर गणेश विसर्जनाच्या आदल्या दिवशी गोळ्या झाडून खून करण्यात आलेल्या आयुष कोमकरच्या आईने, म्हणजेच कल्याणी कोमकर यांनी पत्रकार परिषद घेत तीव्र संताप व्यक्त केला. आंदेकर यांना पोलिस आणि न्यायालयाकडून अर्ज भरण्याची परवानगी देण्यात आली, हे चुकीचे असल्याचं त्यांनी सांगितलं. घोषणाबाजी करत अर्ज भरण्यास येणं कायद्याला धरून नाही, यासाठी मी न्यायालयात जाणार असल्याचंही त्यांनी स्पष्ट केलं.
त्यांनी लोकांची घरं उध्वस्त केली आणि तुम्ही त्यांना…
आंदेकर यांनी अनेक लोकांची घरे उध्वस्त केली असून त्यांनी समाजासाठी नेमकी कोणती कामे केली आहेत, असा सवालही कल्याणी कोमकर यांनी उपस्थित केला. त्यांनी नागरिकांना आवाहन केलं की, आंदेकर यांना कोणीही मतदान करू नये, त्यांना निवडून देऊ नये आणि कोणत्याही पक्षाने त्यांना उमेदवारी देऊ नये.
मी निवडणूक लढवणार..
मी स्वतः अन्यायाविरोधात लढण्यासाठी निवडणूक लढवणार असल्याचं सांगत त्यांनी मला उमेदवारी द्यावी, अशी मागणी केली. तसेच अजित पवार यांना उद्देशून त्यांनी आंदेकर यांना तिकीट देऊ नये, अशी स्पष्ट मागणी केली. आंदेकर यांना राजकीय मदत मिळत असल्याचा आरोप करत, जर कोणत्याही पक्षाने त्यांना तिकीट दिलं तर त्या पक्षाच्या कार्यालयासमोर आंदोलन करणार असल्याचा इशाराही आयुष कोमकरच्या आईने दिला आहे.
