पुणे: महापालिका निवडणुकीच्या तोंडावर (Ajit Pawar) राज्याच्या राजकारणात (Pune News) घडामोडींना वेग आलेला असतानाच उपमुख्यमंत्री अजित पवार यांनी अचानक (Pune Politics) घेतलेल्या हालचालींमुळे सर्वांनाच चक्रावून टाकले आहे. पुण्यातील बारामती हॉस्टेलमधून अजित पवार (Sharad Pawar) कोणालाही काहीही न सांगता, कोणताही सरकारी ताफा किंवा पोलीस संरक्षण न घेता अचानक रवाना झाल्याने राजकीय वर्तुळात चर्चांना उधाण आले आहे. अजित पवार नेमके कुठे गेले, याबाबत अद्याप स्पष्ट माहिती समोर आलेली नाही. (Latest Marathi News)
मागील काही दिवसांपासून अजित पवार हे पुण्यातील बारामती हॉस्टेलमध्ये विविध नियोजित बैठकांसाठी मुक्कामाला होते. महापालिका निवडणुकीच्या पार्श्वभूमीवर महत्त्वाच्या राजकीय चर्चा सुरू होत्या. मात्र अचानक ते कोणालाही कल्पना न देता हॉस्टेलमधून बाहेर पडले. विशेष म्हणजे, त्यांच्या सुरक्षेसाठी नेहमी असणारा पोलिसांचा फौजफाटा, पायलट कार आणि सुरक्षा कर्मचारी तिथेच थांबले होते, तर अजित पवार एकटेच तिथून निघून गेल्याची माहिती आहे.
दरम्यान, पुण्यात राष्ट्रवादी काँग्रेसचे दोन्ही गट एकत्र येणार असल्याची चर्चा गेल्या काही दिवसांपासून सुरू होती. जागावाटपाचे सूत्रही जवळपास ठरले होते. मात्र ऐनवेळी कोणत्या चिन्हावर निवडणूक लढवायची, यावरून चर्चा फिसकटल्याची माहिती समोर आली आहे. याच पार्श्वभूमीवर अजित पवार यांनी अचानक बारामती हॉस्टेल सोडल्याने या घडामोडीला वेगळेच महत्त्व प्राप्त झाले आहे.
एकीकडे शरद पवार गटासोबतची चर्चा अयशस्वी ठरल्यानंतर अजित पवार अचानक नॉट रिचेबल झाल्याने राजकीय वर्तुळात तर्कवितर्कांना उधाण आले आहे. ते कौटुंबिक कारणामुळे रवाना झाले की यामागे काही महत्त्वाचे राजकीय कारण आहे, याबाबत सध्या केवळ चर्चाच सुरू आहेत. अजित पवार यांच्या या अचानक हालचालीमुळे राज्याच्या राजकारणात पुढे काय घडणार, याकडे सर्वांचे लक्ष लागले आहे.
