प्रतिनिधी,अमित मुंडीक
Pune News: पिंपरी चिंचवड: शहरातील वाढत्या घरफोडी व चोरीच्या गुन्ह्यांचा तपास वेगाने लावण्यासाठी पिंपरी चिंचवड (Pimpri Chinchwad) पोलीस आयुक्त श्री. विनय कुमार चौबे यांनी गुन्हे शाखेला विशेष आदेश दिले होते. त्यानुसार पोलीस उप-आयुक्त (गुन्हे) डॉ. शिवाजी पवार व सहायक पोलीस आयुक्त (गुन्हे-1) डॉ. विशाल हिरे यांच्या मार्गदर्शनाखाली वरिष्ठ पोलीस निरीक्षक अरविंद पवार यांच्या नेतृत्वात गुन्हे शाखा युनिट 2 च्या पथकाने धडाकेबाज कारवाई करून तीन सराईत आरोपींना अटक केली. Pune Crime
27 नोव्हेंबर 2025 रोजी युनिट 2 चे पथक पेट्रोलिंगदरम्यान तांत्रिक विश्लेषण व गुप्त खबर्यांच्या मदतीने कळले की, रावेत पोलीस स्टेशन गुन्हा रजि. क्रमांक 569/2025 मधील संशयित आरोपी चोरी केलेल्या वाहनासह सोमाटणे टोलनाक्याकडे येत आहेत. पहाटे सापळा रचून ठेवलेल्या पथकाने मारुती सुझुकी सेलेरिओ (एमएच 14 जेई 2628) वाहन अडवण्याचा प्रयत्न केला असता आरोपींनी गावठी पिस्तुलातून पोलिसांवर गोळीबार केला. प्रसंगावधान राखत पोहवा राठोड यांनी आरोपीचे पिस्तुल हिसकावण्याचा प्रयत्न केल्यामुळे गोळी वाहनाच्या टपाला लागून आरपार गेली आणि मोठा अनर्थ टळला.
तत्काळ कारवाई करत पथकाने तिघा आरोपींना ताब्यात घेतले. सनिसिंग पापासिंग दुधानी (वय 24, रा. हडपसर) – याच्यावर विविध पोलीस ठाण्यांत तब्बल 70 गंभीर गुन्हे दाखल, जलसिंग राजपूतसिंग दुधानी (वय 32, रा. हडपसर) – याच्यावर 50 गुन्हे दाखल,मनिष बाबुलाल कुशवाह (वय 28, रा. मध्यप्रदेश) अशी आरोपींची नावे समोर आली आहे.
गाडीची झडती घेताना 2 देशी बनावटीची पिस्तुल, 7 जिवंत काडतुसे, धारदार शस्त्रे, तसेच चोरीतील सोन्या-चांदीचे दागिने असा एकूण ₹8,87,000 किंमतीचा मुद्देमाल जप्त करण्यात आला.
ही धडाकेबाज कामगिरी मा. पोलीस आयुक्त श्री. विनय कुमार चौबे, पोलीस सह-आयुक्त डॉ. शशिकांत महावरकर, अपर पोलीस आयुक्त श्री. सारंग आवाड यांच्या मार्गदर्शनाखाली करण्यात आली. युनिट 2 चे वपोनि अरविंद पवार, पोउपनि साळुंके, सपोफौ गवारे, पोहवा विक्रम कुदळ, पोहवा भाऊसाहेब राठोड, पोहवा तुषार शेटे, पोहवा विक्रांत चव्हाण, पोहवा मोहंमद नदाफ, पोहवा कृष्णा शितोळे, पोशि प्रशांत सैद, पोशि अमर राणे, पोशि सुखदेव गावंडे व पोशि धनंजय जाधव यांनी संयुक्तपणे ही कारवाई केली.
