Pimpri News : पिंपरी(पुणे) : पुणे-सातारा राष्ट्रीय महामार्गावर चांदणी चौक येथे पुलाच्या गर्डर उभारणीचे काम सुरू होणार असल्याने हा रस्ता दररोज रात्री साडेबारा ते साडेतीन या कालावधीत वाहतूकीसाठी बंद करण्यात येणार आहे. असे आदेश पोलिस उपायुक्त डॉ. काकासाहेब डोळे यांनी दिले आहेत.
4 ते 15 जुलैपर्यंत हा बदल रहाणार
4 ते 15 जुलैपर्यंत हा बदल रहाणार असल्याचे सांगण्यात आले आहे.
चांदणी चौक जंक्शनवर पुलाचे बांधकाम करण्यात येत आहे. या प्रकल्पाचे 96 टक्के काम पूर्ण झाले असून ते अंतिम टप्प्यात आहे. एनडीए-पाषाण मुख्य पुलाचे काम सबस्ट्रक्चर पातळीपर्यंत झाले असून सुपरस्ट्रक्चरचे काम प्रगतीपथावर आहे. (Pimpri News) या पार्श्वभूमीवर पुणे-मुंबई द्रुतगती मार्ग आणि जुना महामार्गावरील अवजड वाहतूक मध्यरात्री तीन तास थांबवण्यात येणार आहे.
चांदणी चौकातील पुलाच्या कामाच्या अनुषंगाने वाहतूक वळविण्याबाबत जिल्हाधिकारी डॉ. देशमुख यांच्या उपस्थितीत ऑनलाइन बैठक घेण्यात आली. (Pimpri News) या बैठकीसाठी पुणे ग्रामीणचे पोलिस अधीक्षक अंकित गोयल, पुणे शहर वाहतूक शाखेचे पोलिस उपायुक्त विजयकुमार मगर, भारतीय राष्ट्रीय महामार्ग प्राधिकरणाचे (एनएचएआय) प्रकल्प संचालक संजय कदम, पिंपरी चिंचवडचे सहायक पोलिस आयुक्त विठ्ठल कुबडे आदी उपस्थित होते.
अशी असेल वाहतूक….
मुंबईकडून येणारी जड वाहतूक मुंबई पुणे द्रुतगती मार्गावर तळेगाव टोलनाका येथे व मुंबई-पुणे जुना महामार्गाने येणारी वाहने सोमाटणे टोल नाका येथे थांबवली जातील. (Pimpri News) मुंबई-पुणे द्रुतगती मार्ग व मुंबई-पुणे जुना महामार्ग येथून चारचाकी हलकी वाहने भुजबळ चौक, राजीव गांधी ब्रिज मार्गे व चांदणी चौक विवा हॉटेल या मार्गाने कात्रजकडे जाणार आहेत. मुंबई-पुणे द्रुतगती मार्ग, मुंबई-पुणे जुना महामार्ग व किवळे ब्रिज ते राधा चौक या दरम्यान येणारी वाहने भुजबळ चौक, राजीव गांधी ब्रिजमार्गे जातील, असे उपायुक्त डोळे यांच्या आदेशात नमूद आहे.
अधिक बातम्या वाचण्यासाठी येथे क्लिक करा :
Pimpri News : रिक्षाच्या धडकेत पादचारी ज्येष्ठाचा मृत्यू
Pimpri News : प्रेमविवाह केलेल्या तरुणीच्या कुटुंबीयांनी तरुणाच्या कुटुंबियांना केली मारहाण
Pimpri News : पत्नी, मेहुणीला मारहाण करणार्यावर पतीसह त्याच्या नातेवाईकांवर गुन्हा
