Loni Kalbhor Accident News : लोणी काळभोर, (पुणे) : पुणे – सोलापूर महामार्गावरील थेऊर फाटा परिसरात ट्रकच्या धडकेत एका ६५ वर्षीय महिला वारकऱ्याचा मृत्यू झाल्याची घटना घडली आहे. हि घटना शुक्रवारी (ता. ३०) दुपारी तीन वाजण्याच्या सुमारास घडली आहे.
दगडाबाई बाळू खुपसे (वय- ६५, रा. कोलवडी, रा. हवेली) असे अपघातात मृत्यू झालेल्या महिला वारकऱ्याचे नाव आहे. तर नाना सुखदेव कावरे (वय- ३५, रा. पारनेर, ता. पारनेर, जि. नगर) असे ट्रकचालकाचे नाव आहे.
मिळालेल्या माहितीनुसार, दगडाबाई खुपसे या पंढरपूरला आषाढी वारीनिमित्त पायी गेल्या होत्या. शुक्रवारी दुपारी तीन वाजण्याच्या सुमारास पुणे – सोलापूर महामार्गावरील थेऊर फाट्यावरून कोलवडीकडे जाणाऱ्या रस्त्याकडे निघाल्या होत्या.
यावेळी पुण्याच्या बाजूकडून लोणीकंदकडे जाण्यासाठी एक ट्रक निघाला होता. यावेळी खुपसे या ट्रकच्या पाठीमागील चाकाखाली सापडल्या. या अपघातात खुपसे या गंभीर झाल्या. त्यांना तात्काळ लोणी काळभोर येथील विश्वराज हॉस्पिटल या ठिकाणी दाखल करण्यात आले. त्यांच्यावर उपचार सुरु असताना सुमारे पाच वाजण्याच्या सुमारास उपचारादरम्यान मृत्यू झाला.
दरम्यान, कोलवडीचे माजी उपसरपंच भागवत खुपसे यांच्या त्या मोतोश्री होत. त्यांच्या अपघाती निधनाची माहिती समजताच पूर्व हवेलीसह परिसरात नागरिकांकडून मोठ्या प्रमाणात हळहळ व्यक्त केली जात आहे. तर लोणी काळभोर पोलीस ठाण्यात गुन्हा दाखल करण्याचे काम सुरु आहे.
