पिंपरी: देहुरोड येथे मोकळ्या जागेत बांधलेला एक लाख रुपयांचा घोडा चोरीला गेल्याची घटना घडली आहे. ही चोरी 31 डिसेबर 2023 ते 1 जानेवारी 2024 या कालावधीत देहूरोड येथील बुद्धविहार जवळ घडली. याबाबत काळु साधू मदने (वय 22 रा. देहुरोड) यांनी देहुरोड पोलीस ठाण्यात फिर्याद दिली आहे. त्यानुसार अज्ञात चोरट्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी मदने हे मेंढपाळ असून त्यांनी त्यांचा घोडा चरण्यासाठी बुद्ध विहार जवळील मोकळ्या जागेत बांधला होता. या दरम्यान अज्ञात व्यक्तीने घोडा चोरून नेला आहे. त्यानंतर देहुरोड पोलीस ठाण्यात 1 लाख रुपयांचा घोडा चोरल्याची तक्रार दाखल केली असून पोलीस चोराचा शोध घेत आहेत.
