पुणे: पुणे सोलापूर राष्ट्रीय (Pune Accident) महामार्गावर बोरीपार्धी गावच्या (Pune News) हद्दीतील चौफुला धायगुडेवाडी येथील बोरमलनाथ फिल्टर प्लांटच्या समोर सकाळी १० च्या सुमारास गणेश यादवराव दिवेकर व प्रताप कांतीलाल साबळे हे दोघे जण एम. एच.४२ बी.ई ३६६९ या कारने पुणे बाजुकडुन सोलापुर बाजुकडे जात असताना लक्झरी बस क्रमांक एम. एच. ११ सी.एच ७३८३ ही बस अचानक सोलापूर बाजूने येत असताना दुभाजक ओलांडून कारला धडकली.
ही धडक एवढी जोरात होती की कार मधील गणेश यादवराव दिवेकर ( वय ४५ वर्षे रा. कौवठीचामळा वरवंड ता. दौंड ) यांचा जागीच मृत्यू झाला तर प्रताप कांतीलाल साबळे यास गंभीर दुखापत झाली असून उपचारासाठी तात्काळ रुग्णालयात दाखल करण्यात आले आहे. याबाबत मंगेश दिवेकर यांनी यवत पोलीस स्टेशन येथे फिर्याद दिली असून यावरून लक्झरी बस चालक अहमद अफसर पटेल (रा कापलापुर , ता. बालकी, जि. बिदर , कर्नाटक ) याच्या विरोधात गुन्हा दाखल करण्यात आला आहे. याबाबत पुढील तपास यवत पोलीस स्टेशनचे पोलीस निरीक्षक नारायण देशमुख यांच्या मार्गदर्शनाखाली पोलीस उपनिरीक्षक किशोर वागज हे करत आहेत.
