NCP भिगवण : राष्ट्रवादी कॉंग्रेस (शरद पवार गट) पक्षाच्या पुणे जिल्हा प्रवक्तेपदी ज्येष्ठ पत्रकार दादासाहेब माणिकराव थोरात यांची निवड करण्यात आली. खासदार सुप्रिया सुळे यांच्या हस्ते त्यांना निवडीचे पत्र देण्यात आले.
या वेळी पुणे जिल्हाध्यक्ष जगन्नाथ शेवाळे, कार्याध्यक्ष महादेव कोंढरे, इंदापूर तालुकाध्यक्ष ॲड. तेजसिंह पाटील, कार्याध्यक्ष महारुद्र पाटील, सामाजिक न्याय विभागाचे जिल्हाध्यक्ष सागर मिसाळ आदी उपस्थित होते.
महाराष्ट्राचे सुपूत्र यशवंतराव चव्हाण यांचे विचार, महाराष्ट्राचे भाग्यविधाते शरद पवार यांचे आरक्षणाचे धोरण, महिला धोरण आणि शेतीचे धोरण जनसामान्यांपर्यंत पोहचवण्यासाठी, याचबरोबर संसदरत्न खासदार सुप्रिया सुळे यांच्या मार्गदर्शनाखाली महागाई, बेरोजगारी, भ्रष्टाचार आणि भाजपची लबाडी जनतेसमोर उघड करण्याचे काम आमदार रोहित पवार यांच्या सहकार्याने करणार असल्याचे, नवनियुक्त प्रवक्ते पत्रकार दादासाहेब थोरात यांनी पत्रकार परिषदेत बोलताना सांगितले.
