Nashik News: नाशिक: नाशिक महानगरपालिकेकडून साधुग्राम परिसरातील 1,825 झाडे तोडण्याच्या प्रस्तावाला विरोध वाढत असून आता या निर्णयाविरोधात नव्या आंदोलनाची तयारी सुरू करण्यात आली आहे. पर्यावरणप्रेमी, सामाजिक कार्यकर्ते आणि काही कलाकार एकत्र येऊन या प्रस्तावाला विरोध करण्यासाठी मोठ्या पातळीवर मोहीम राबवत आहे.
हेही वाचा- रतन टाटांचा आलिशान व्हिला ‘विक्री’ साठी; जुन्या मित्रानेच लावली बोली! किंमत ऐकून व्हाल थक्क!
चित्रपट सृष्टीतले प्रसिद्ध अभिनेते सयाजी शिंदे, सामाजिक कामासाठी ओळखले जाणारे वरुण सुखराज, तसेच मुंबईतील विविध पर्यावरणवादी संघटनांचे प्रतिनिधी लवकरच नाशिकमध्ये दाखल होणार आहेत. ते साधुग्राम परिसराची पाहणी करून पुढील आंदोलनाची दिशा ठरवतील अशी माहिती स्थानिक पर्यावरण कार्यकर्त्यांनी दिली.
पर्यावरणप्रेमींचे मत आहे की, सिंहस्थ कुंभमेळ्याच्या तयारीच्या नावाखाली इतक्या मोठ्या प्रमाणावर झाडांची कत्तल करणे पर्यावरणासाठी घातक ठरेल. दरम्यान, सोशल मीडियावरही जागरूकता मोहिमेला वेग येत असून, सेलिब्रेटी आणि पर्यावरण संघटनांच्या एकत्रित प्रयत्नांतून व्यापक आंदोलन उभे राहण्याची शक्यता व्यक्त केली जात आहे.
