पुणे: पार्किंगमधून टेम्पो चोरून घेऊन जात असताना अपघात झाला आणि चोरटा पोलिसांना अलगद सापडला. हा सर्व प्रकार बुधवार 27 डिसेंबर रोजी रात्री महाळुंगे येथील लॉजीस्टीक प्रा.ली.कंपनी येथे घडला आहे.
याबाबत माऊली दत्तात्रय फटे (वय 35 रा.चाकण) यांनी महाळुंगे एमआयडीसी पोलीस ठाण्यात पिर्याद दिली आहे. त्यानुसार गजानन नागेराव मस्के (वय 26, रा.येरवडा, मुळ यवतमाळ) याला अटक केली आहे.
पोलिसांनी दिलेल्या माहितीनुसार, फिर्यादी यांचा ट्रान्सपोर्टमधील सहा लाख रुपये किंमतीचा आयशर टेम्पो पार्कींग मधून चोरून नेला. पुढे जाऊन खराबवाडी येथील पुजा कास्टीग कंपनी जवळ सुरक्षारक्षकाला धडक दिली. या अपघातात आरोपीला अटक करण्यात आल्यानंतर चोरीचा गुन्हा देखील उघडकीस आला. याप्रकरणी महाळुंगे एमआयडीसी पोलीस ठाण्यात गुन्हा दाखल केला असून पोलीस पुढील तपास करत आहेत.
