लोणी काळभोर: कर्ज फेडण्यासाठी माहेरवरून (Loni Kalbhor News) पैसे न दिल्याने एका (Pune News) उच्चशिक्षित विवाहीतेला सासरच्या मंडळींनी धक्काबुकी करून शाररीक व मानसिक छळ केल्याचा प्रकार उघडकीस आला आहे. याप्रकरणी लोणी काळभोर पोलीस ठाण्यात पतीसह सासरकडील 5 जणांच्या विरोधात गुन्हा दाखल करण्यात आला आहे.
रेखा संजय जैन, सासरे संजय पोपटलाल जैन, पती पंकज संजय जैन, छोटी नंनद पुजा संजय जैन व मोठी नंनद प्रती हितेश कांकरीया (सर्व रा. रा. फ्लॅट नंबर 701, ए विंग, माय होम सोसायटी, न्यू, पैतदार इंटरनॅशनल स्कूल शेजारी, उल्कानगरी संभाजीनगर) अशी गुन्हा दाखल करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, पिडीता या लोणी काळभोर पोलीस ठाण्याच्या हद्दीत आई वडिलांसोबत राहतात. पिडीता यांनी डी फार्म सीचे शिक्षण पूर्ण केले आहे. पिडीता व पंकज जैन यांचा 2024 साली विवाह झाला होता. विवाहनंतर पिडीत संभाजीनगर येथे सासरी नांदण्यास नांदण्यास गेल्या होत्या. सुरुवातीला पिडीता यांचे सासु सासरे ननंद व नवरा यांनी चांगली वागणूक दिली.
दरम्यान, विवाहाच्या काही दिवसानंतर सासरकडील मंडळींनी विवाहीतेला माहेरहून पैसे आणण्याचा तगादा लावला होता. परंतु, विवाहितेच्या आईवडिलांची आर्थिक परिस्थिती नाजूक असल्याने त्यांना पैसे देणे शक्य नव्हते. त्यामुळे त्यांनी पैसे देण्यात नकार दिला होता. कर्जाचे पैसे देण्यास मदत करीत नसल्याचा राग मनात धरून सासरकडील मंडळींनी विवाहितेला शाररीक व मानसिक त्रास दिला.
याप्रकरणी पिडीतेने लोणी काळभोर पोलीस ठाण्यात फिर्याद दिली आहे. त्यानुसार पतीसह सासरकडील 5 जणांच्या विरोधात भारतीय न्याय संहीता कलम 85,115 (2) 353(5) प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांच्या मार्गदर्शनाखाली पोलीस उपनिरीक्षक दिगंबर सोनटक्के करत आहेत.
