बापू मुळीक
सासवड, (पुणे) : कोडीत ग्रामपंचायतीच्या उपसरपंचपदी गौरव विष्णु भोसले यांची गुरुवारी (ता. 30) बिनविरोध निवड करण्यात आली. उपसरपंच प्रमोद बडधे यांनी आपल्या उपसरपंच पदाचा राजीनामा दिल्याने सरपंच रंजना खुटवड यांच्या अध्यक्षतेखाली उपसरपंचपदाची निवडणूक घेण्यात आली.
या निवडणुकीत गौरव भोसले यांचा एकमेव अर्ज आल्याने निवडणूक निर्णय अधिकारी रंजना खुटवड यांनी गौरव भोसले यांची निवड बिनविरोध झाल्याची घोषणा केली. ग्रामसेविका एस. डी. झगडे यांनी निवडणूकीचे कामकाज पाहिले. यावेळी सरपंच रंजना खुटवड, मावळते उपसरपंच प्रमोद बडधे, ग्रामपंचायत सदस्या आशा जरांडे, संगिता जरांडे, मनिषा बडधे, सदस्य विकास जरांडे,अक्षय राजिवडे, गौरव भोसले, ग्रामपंचायत कर्मचारी भानुदास खोमणे, सागर खोमणे, आदी उपस्थित होते.
नवनिर्वाचित उपसरपंच गौरव भोसले म्हणाले, “सरपंच रंजना खुटवड व ग्रामपंचायतीच्या सर्व सदस्यामुळे मला उपसरपंच म्हणून काम करण्याची संधी मिळाली आहे. सरपंच,सर्व सदस्य व ग्रामस्थ यांचे मी मनापासून आभार व्यक्त करतो. यापुढे सर्वांना विश्वासात घेऊन गावच्या सर्वांगिण विकासासाठी काम करेल.”
