पुणे : पुण्यासह राज्यात काल (दि. ०१) धुमधडाक्यात, फटाक्यांची आतिषबाजी करत लक्ष्मीपूजन सण साजरा करण्यात आला. मात्र फटक्यांमुळे तब्बल 31 ठिकाणी आग लागल्याची घटना घडली आहे. अग्निशमन दलाच्या जवानांनी तत्काळ आग आटोक्यात आणल्याने कोणतीही जिवितहानी झालेली नाही. अथवा मोठं नुकसान झालेलं नाही. मांजरी, बालेवाडी, कोथरुड, लक्ष्मी रोड, कात्रज यासारख्या गर्दीच्या ठिकाणी लक्ष्मीपूजनाला आगाच्या घटना घडल्या आहे.
या आगीच्या घटना रात्री ७ ते ९ च्या दरम्यान घडल्या आहेत. सायंकाळी ७.३५ वाजता कळस येथे रस्यावर कचरा पेटला यामुळे मोठी आग लागली होती. तर मोरे वस्ती येथे ऊसाच्या शेतामध्ये आग लागली. फटाक्यांमुळे अचानक लागलेल्या आगीमुळे मोठा गोंधळ उडाला होता. वेळीच अग्निशमन विभागाने प्रयत्न केल्याने आग आटोक्यात आणली.
‘या’ ठिकाणी लागली आग
- राञी ०७.३५ – कळस येथे रस्यावर कचरा पेटला (धानोरी अग्निशमन केंद्र वाहन)
- ०७. ३६ – मांजरी, मोरे वस्ती येथे ऊसाच्या शेतामध्ये आग (हडपसर अग्निशमन केंद्र, एक वॉटर टँकर)
- ०८.०५ – बालेवाडी फाटा, काका हलवाई स्वीट समोर वायर पेटली (पाषाण अग्निशमन केंद्र वाहन)
- ०८.०६ – कोथरुड, रामबाग कॉलनी येथे झाडाला आग (कोथरुड अग्निशमन केंद्र वाहन)
- ०८.१२ – मार्केटयार्ड, गेट क्रमांक पाचजवळ कचरयाच्या वाहनामधील कचरा पेटल्याने आग (गंगाधाम अग्निशमन केंद्र वाहन)
- ०८.१९ – सहकारनगर पोलिस चौकीजवळ नारळाच्या झाडाला आग (जनता अग्निशमन केंद्र वाहन)
- ०८.२२ – मंगलदास रस्ता येथे झाडाला आग (नायडू अग्निशमन केंद्र वाहन)
- ०८.२४ – गणेश पेठ, बुरुड आळी येथे ताडपञी पेटल्याने आग (मध्यवर्ती अग्निशमन केंद्र वाहन)
- ०८.३० – काञज, संतोषनगर येथे इमारतीच्या गॅलरीमध्ये आग (काञज अग्निशमन केंद्र वाहन)
- ०८.३४ – रविवार पेठ, तांबोळी मस्जिद नजीक कपड्याच्या दुकानात आग (कसबा अग्निशमन केंद्र वाहन)
- ०८.३८ – बी टी कवडे रस्ता, भारत फोर्ज कंपनी समोर एका ट्रकला आग (बी टी कवडे रोड अग्निशमन केंद्र वाहन)
- ०८.४० – लक्ष्मी रोड, विजय टॉकीज जवळ घरामध्ये आग (मध्यवर्ती अग्निशमन केंद्र वाहन)
- ०८.४५ – कळस स्मशानभूमी जवळ एका शेतामध्ये आग (धानोरी अग्निशमन केंद्र वाहन)
- ०८.५४ – टिळक रस्ता, महाराष्ट्र मंडळ शेजारी झाडाला आग (मध्यवर्ती अग्निशमन केंद्र वाहन)
