खेड: मुलाला केलेल्या मारहाणीचा जाब विचारायला गेलेल्या वडिलांनाही चाकू खपसून गंभीर जखमी केल्याचा प्रकार समोर आला आहे. ही घटना खेडमधील नाणेकरवाडी येथे रविवारी 28 जानेवारीला दुपारी घडली. याप्रकरणी रमेश सुरेश भोसले (वय 55 रा. लांडेवाडी, भोसरी) यांनी चाकण पोलीस ठाण्यात फिर्यद दिली आहे. त्यानुसार कृष्णा गणेश भोसले (रा. लांडेवाडी) याच्यावर खुनाच्या प्रयत्नाचा गुन्हा दाखल करण्यात आला आहे.
पोलिसांनी दिलेल्या माहितीनुसार, भोसले यांच्या मुलाला आरोपीने मारहाण केली होती. त्यानंतर त्यांनी या मारहाणीचे कारण विचारले असता आरोपीने फिर्यादीच्या पोटात चाकू खुपसत त्यांना गंभीर जखमी केले. याप्रकरणी चाकण पोलीस ठाण्यात गुन्हा दाखल केला असून पोलीस पुढील तपास करत आहेत.
