ED Raid in Pune : पुणे : अंमलबजावणी संचालनालयाकडून (ईडी) पुणे येथील उद्योगपतीवर कारवाई करण्यासाठी पाऊले उचलली आहेत. त्यांची 9.77 कोटी रुपयांची संपत्ती जप्त करण्याची नोटिस पाठवली आहे. त्यानंतर उद्योगपतीने मुंबई उच्च न्यायालयात धाव घेत नोटीसचा कालावधीवर आक्षेप घेतला.
काय आहे प्रकरण
आइस्ड डेसर्ट अँड फूड पार्लर्स इंडिया प्राइवेट लिमिटेड या कंपनीत अय्यास्वामी रामसुब्रहमण्यम संचालक होते. त्यात 38.68 कोटींची फसवणूक केल्याचा आरोप त्यांच्यावर आहे. या प्रकरणात ईडीने गुन्हा दाखल केला आहे. या प्रकरणी 16 मे रोजी गुन्हा दाखल करण्यात आला आहे. पुण्यात आयडीएफपीएलमध्ये 38.68 कोटींच्या हेराफेरीसंदर्भात गुन्हा दाखल केला होता. त्यानंतर या प्रकरणाचा तपास ईडी मनी लांड्रिंग कायद्यानुसार करत होती. ईडीकडून नोटीस मिळाल्यानंतर रामसुब्रमण्यम यांनी मुंबई उच्च न्यायालयात धाव घेतली.
मागील काही वर्षांपासून अंमलबजावणी संचालनालय (ईडी) चांगलेच सक्रीय झाले आहे. त्यांनी राजकीय नेत्यांसह उद्योपतींवर कारवाईचे सत्र सुरु केले आहे. त्यांची 9.77 कोटी रुपयांची संपत्ती जप्त करण्याची नोटिस पाठवली आहे. नोटीशीत 10 दिवसांत संपत्ती जप्त करण्याचे म्हटले आहे. त्याला रामसुब्रमण्यम यांनी आक्षेप घेत 45 दिवसांची मुदत देण्याची मागणी न्यायालयात केली. त्यानंतर मुंबई उच्च न्यायालयाने त्यांना 15 दिवसांसाठी दिलासा दिला आहे.
