Daund News : दौंड, ता. 18 : “पाटस-दौंड मार्गावर दोन कारची जोरदार धडक, ६ जखमी; प्रशासनाच्या दुर्लक्षाचा फटका!” या मथळ्याखाली पुणे प्राईम न्यूजने रविवारी (ता. 17) प्रसिद्ध केलेल्या बातमीची प्रशासनाने तात्काळ दखल घेतली आहे. वारंवार मागणी करूनही दुर्लक्षित राहिलेल्या गतीरोधकावर अखेर पांढऱ्या चेतावणी पट्ट्या मारण्यात आल्या असून, नागरिकांनी पुणे प्राईम न्यूजच्या पाठपुराव्याचे स्वागत केले आहे. Daund News
पाटस ग्रामपंचायत हद्दीतील अंबिका पब्लिक स्कूलसमोर रविवारी दुपारी झालेल्या भीषण अपघातात दोन कारची समोरासमोर धडक होऊन सहा जण जखमी झाले होते. गतीरोधकावर कोणत्याही प्रकारच्या पांढऱ्या पट्ट्या नसल्याने चालकांना त्याचा अंदाज आला नाही आणि हा अपघात घडल्याचा आरोप स्थानिक नागरिकांनी केला होता. Daund News
टाटा नेक्सोन कार दौंडकडून पुण्याकडे जात होती, तर बलोनो कार पाटसकडून दौंडच्या दिशेने येत होती. रस्त्यावरील गतीरोधक न दिसल्याने नेक्सोन कारने जोरदार धडक दिली आणि कारचे चाक तुटून समोरील बलोनो कारवर आदळले. या अपघातात दोन्ही वाहनांचे मोठे नुकसान झाले होते. या घटनेनंतर पुणे प्राईम न्यूजने प्रशासनाच्या हलगर्जीपणावर प्रकाश टाकत सविस्तर वृत्त प्रसिद्ध केले होते. त्यानंतर संबंधित प्रशासनाने तातडीने हालचाल करत संबंधित गतीरोधकावर पांढऱ्या चेतावणी पट्ट्या मारण्याचे काम सुरू केले. त्यामुळे भविष्यात अशा अपघातांना आळा बसण्याची शक्यता व्यक्त केली जात आहे. Daund News
स्थानिक नागरिकांनी याबाबत समाधान व्यक्त करत “प्रशासनाने आधीच दखल घेतली असती तर अपघात टळला असता,” अशी प्रतिक्रिया दिली. तसेच रस्त्यांवरील धोकादायक ठिकाणी अशाच प्रकारे तातडीने उपाययोजना करण्याची मागणीही नागरिकांकडून करण्यात येत आहे. दरम्यान, पुणे प्राईम न्यूजच्या बातमीमुळे प्रशासन खडबडून जागे झाल्याची चर्चा परिसरात सुरू असून, पत्रकारितेच्या माध्यमातून नागरिकांच्या प्रश्नांना न्याय मिळाल्याची भावना व्यक्त केली जात आहे. Daund News
