दौंड: राज्य उत्पादन शुल्क विभागाच्या दौंड (Daund News) विभागीय पथकाने अवैध गोवा मद्य (Pune News) तस्करी करणारे आंतरराज्यीय रॅकेट उध्वस्त करत तब्बल 10 लाखांचा मुद्देमाल जप्त करण्यात यश मिळवले आहे. आगामी नगरपरिषद निवडणुकांच्या पार्श्वभूमीवर करण्यात आलेली ही कारवाई विशेष महत्त्वाची मानली जात आहे.
गोपनीय माहितीच्या आधारे पथकाने मारुती इको वाहनाला अडवून तपासणी केली असता, त्यामध्ये परराज्यातून आणलेला मोठ्या प्रमाणातील विदेशी मद्यसाठा आढळून आला. कारवाईत 1152 विदेशी मद्याच्या बाटल्या, 1300 बनावट लेबल्स तसेच संबंधित मारुती इको वाहन असा मोठा मुद्देमाल जप्त करण्यात आला.
View this post on Instagram
या प्रकरणी तस्करी रॅकेटशी संबंधित ३ आरोपींना अटक करण्यात आली असून त्यांच्यावर पुढील कारवाई सुरू आहे. उत्पादन शुल्क विभागाने वेळोवेळी अशा अवैध मद्य तस्करीवर आळा घालण्यासाठी गस्त व कारवाई वाढवली आहे.
