सागर जगदाळे
Bhigwan News | भिगवण : भिगवण मेडिकल असोसिएशन पुणे जिल्ह्यातील उरूळी कांचन येथे पार पडलेल्या स्पार्टन चॅम्पियन क्रिकेट चषकाचा मानकरी ठरला.
आयोजनाचे हे सहावे वर्ष…
के आर डी डी ए विरूद्ध झालेल्या अटीतटीच्या अंतिम सामन्यात या संघाला धूळ चारीत भिगवणच्या संघाने या चषकावर आपले नाव कोरले. आयोजनाचे हे सहावे वर्ष होते. पहिल्या वर्षीचे विजेते होण्याचा मान देखील भिगवण मेडिकल असोसिएशनला मिळाला होता.
सलग पाच वर्ष विजेतेपद हुलकावणी देत होते. या ही वर्षी हा संघ साखळी सामन्यातूनच बाहेर पडतो की काय परंतु फिनिक्स पक्षाप्रमाणे भरारी घेत मांजरी, पुरंदर, पुणे पेठ डॉक्टर असोसिएशन अशा मातब्बर संघांना मात देत अंतिम सामन्यात प्रवेश केला व विजय मिळवला. या विजयाबद्दल भिगवण मधील सर्व डॉक्टरांनी त्यांच्यावर कौतुकाचा वर्षाव केला आहे.
अंतिम सामन्याचे मानकरी डॉ. निखिल नायगुडे ठरले तर, पावर प्ले मध्ये निर्धाव षटक टाकण्याची किमया डॉ. प्रशांत हगारे यांनी करून दाखविली.
अधिक बातम्या वाचण्यासाठी येथे क्लिक करा…
