पुणे : गेल्या काही दिवसांपासून सराफा बाजारात सोन्या-चांदीच्या किमती गगनाला भिडल्या होत्या, ज्यामुळे ग्राहकांच्या खिशाला मोठी झळ बसत होती. मात्र, आज 05 जुलै 2026 रोजी रविवारी भारतीय बाजारपेठेत सोन्या-चांदीच्या दरात मोठा फेरबदल पाहायला मिळाला आहे. आज सोन्याच्या किमतीत किंचित घसरण झाली असून चांदीचे दरही बदलले आहेत.
बुलियन मार्केट वेबसाइटच्या ताज्या आकडेवारीनुसार, आज देशपातळीवर 24 कॅरेट सोन्याचा दर प्रति 10 ग्रॅम 1,47,840 रुपये इतका आहे. तसेच, 22 कॅरेट सोन्यासाठी ग्राहकांना प्रति 10 ग्रॅम 1,35,520 रुपये मोजावे लागत आहेत. चांदीचा विचार केला तर आज 1 किलो चांदीची किंमत 2,37,680 रुपये असून, 10 ग्रॅम चांदीचा दर 2,377 रुपये आहे.
प्रत्येक राज्यातील कर, उत्पादन शुल्क आणि मेकिंग चार्जेसमुळे वेगवेगळ्या शहरांतील अंतिम दरांमध्ये तफावत दिसून येते.आज 24 कॅरेटचा मुंबईत दर 1,47,570,पुण्यात 1,47,570, नागपूर 1,47,570,नाशिक 1,47,570 असा आहे.सोनं खरेदी करताना दुकानदार आपल्याला नेहमी 22 कॅरेट किंवा 24 कॅरेटचा पर्याय देतात. या दोन्हीमधील शुद्धता ओळखणे अत्यंत महत्त्वाचे आहे.
24 कॅरेट सोने: हे सोने 99.9% शुद्ध असते. मात्र, अत्यंत लवचिक व मऊ असल्यामुळे यापासून थेट दागिने बनवता येत नाहीत.22 कॅरेट सोने: दागिने तयार करण्यासाठी प्रामुख्याने याचा वापर होतो. यामध्ये 91% शुद्ध सोने असते आणि उर्वरित 9% तांबे, चांदी किंवा जस्त यांसारखे इतर धातू मिसळले जातात, जेणेकरून दागिन्यांना मजबूतपणा येतो.
