Bhigvan News भिगवण, ता. ५ : इंदापूर तालुक्यातील डिकसळ येथील योगेश्वरी विविध कार्यकारी सेवा संस्थेत थकबाकीदार संचालकांना अपात्र ठरवण्याची मागणी प्रशासनाच्या दारातच अडकली असून, ‘लाल फिती’च्या कारभारामुळे कारवाई रखडल्याचा आरोप होत आहे. सहाय्यक निबंधकांनी दिलेल्या स्पष्ट सूचनांनंतरही संबंधित माहिती सादर न झाल्याने हा प्रकार चर्चेचा विषय ठरला आहे. Bhigvan News
मिळालेल्या माहितीनुसार, संस्थेचे सभासद व संचालक जिजाराम पोंदकुले यांनी थकबाकीदार संचालकांना अपात्र ठरवण्याची मागणी करत इंदापूर येथील सहाय्यक निबंधक सहकारी संस्थेकडे तक्रार दाखल केली होती. या तक्रारीची दखल घेत सहाय्यक निबंधक बी. के. शिवरकर यांनी संस्थेच्या सचिवांना थकबाकीदार संचालकांची यादी व संबंधित माहिती सादर करण्याचे आदेश दिले. Bhigvan News
मात्र, सचिवांकडून वेळोवेळी माहिती सादर करण्यात आलेली नसल्याचा आरोप आहे. यावरून सहाय्यक निबंधकांनी १ एप्रिल रोजी सचिवांना नोटीस बजावत कडक शब्दांत सूचना केल्या. सचिवांनी ३० मार्च रोजी कर्ज भरणा असल्याचे कारण देत मुदतवाढ मागितली होती, मात्र त्यानंतरही सुनावणीला अनुपस्थित राहिल्याचा ठपका ठेवण्यात आला आहे. Bhigvan News
यानंतर पुन्हा १३ एप्रिलपर्यंत सविस्तर अहवाल सादर करण्याचे आदेश देण्यात आले असून, आदेशाचे पालन न केल्यास कडक कारवाईचा इशाराही देण्यात आला आहे. तरीही सचिव सिकंदर आत्तार यांनी आवश्यक माहिती अद्याप सादर केली नसल्याचा आरोप तक्रारदार पोंदकुले यांनी केला आहे. Bhigvan News
दरम्यान, या संपूर्ण प्रकारामुळे सहकारी संस्थांमधील कारभारावर प्रश्नचिन्ह उपस्थित होत असून, थकबाकीदार संचालकांवर कारवाई कधी होणार, याकडे सदस्यांचे लक्ष लागले आहे.
