सागर जगदाळे
भिगवण : भारतीय जनता पार्टी युवा मोर्चाच्या पुणे जिल्हाध्यक्ष अंकिता पाटील ठाकरे यांनी बुधवारी (ता. १३) दुपारी कार्यकारिणी जाहीर केली. या कार्यकारिणीमध्ये सर्व समाजघटकांना, विविध क्षेत्रातील युवकांना स्थान देत न्याय देण्याचा प्रयत्न अंकिता पाटील ठाकरे यांनी केला आहे. दरम्यान, कार्यकारिणी जाहीर झाल्यानंतर दुसऱ्याच दिवशी त्यांनी पक्ष संघटनेचे काम हाती घेतले असून, मोठ्या धडाक्यात कामाला सुरवात केली आहे.
नवनियुक्त पदाधिकाऱ्यांची पहिली बैठक व्हिडिओ कॉन्फरन्सिंगद्वारे अंकिता पाटील ठाकरे यांनी घेतली. या बैठकीसाठी महाराष्ट्र प्रदेश उपाध्यक्ष प्रिया नारायणराव पवार या देखील उपस्थित होत्या. यावेळी आगामी निवडणुकीच्या अनुषंगाने पक्ष संघटन, युवा मोर्चा शाखांचे उद्घाटन, प्रवास दौरा आदी बाबींवर चर्चा करण्यात आली.
