Aadhar Card : आता ‘आधार कार्ड’ अपडेट करा अगदी मोफत ; यूआयडीएआयने वाढवली मुदत..

Aadhar Card : नवी दिल्ली : आधार कार्डधारकांसाठी एक आनंदाची बातमी आहे. आधार कार्ड काढून दहा वर्षे पूर्ण झालेल्या कार्डधारकांना आता आणखी तीन महिने त्यांचे आधार मोफत अपडेट करता येणार आहे. यापूर्वी १४ जूनपर्यंत आधार अपडेट करण्याची मुदत होती. यावर्षी मार्च महिन्यापासून ही सवलत देण्यात आली होती. (Aadhar Card)

पण भारतीय विशिष्ट ओळख प्राधिकरणाने मुदत वाढ दिली आहे. आता नागरिकांना १४ सप्टेंबर, २०२३ रोजीपर्यंत आधार कार्ड अपडेट करता येईल. आधार कार्डला १० वर्षे पूर्ण झाले असेल तर नागरिकांनी आधारमधील पत्ता आणि डेमोग्राफिक पशील अपडेट करणे आवश्यक आहे. ही पद्धत अत्यंत सोपी आहे. (Aadhar Card)

अनेक सरकारी आणि गैर सरकारी कामासाठी आधार कार्डची गरज पडते. आधार हा अत्यंत आवश्यक पुरावा मानण्यात येतो. भारतीय विशिष्ट ओळख प्राधिकरण वेळोवेळी आधार कार्ड अपडेटविषयी निर्देश देते. सध्या आधार कार्डला १० वर्षांपेक्षा अधिकचा कालावधी झाला असेल तर आधार अपडेट मोफत करता येते. (Aadhar Card)

 

आधार कार्ड अपडेट myAadhaar पोर्टलवर करता येते. ऑनलाईन पद्धतीने आधार कार्डमधील माहिती अद्ययावत करता येईल. येत्या १५ मार्च ते १४ जून २०२३ रोजीपर्यंत आधार कार्ड मोफत अपडेट करण्याची सुविधा देण्यात आली होती. आता ही मुदत वाढविण्यात आली आहे. १४ सप्टेंबरपर्यंत ही मुदतवाढ देण्यात आली आहे. (Aadhar Card)

आधार कार्डमधील माहिती अपडेट किती वेळा करता येते, असा सर्वांनाच प्रश्न पडतो. त्यासंबंधी काही नियम आहेत. त्यानुसार, नागरिकांच्या नावात दोनदा बदल करता येतो. तर जन्मतारीख आणि लिंगामध्ये एकदाच बदल करता येतो. आधार कार्ड तयार करताना आणि माहिती भरताना काळजीपूर्वक भरणे आवश्यक आहे. (Aadhar Card)

असे करा आधार कार्ड अपडेट
-https://myaadhaar.uidai.gov.in/ वर जा
अथवा https://ssup.uidai.gov.in/ssup/यावर लॉगिन करा
– 12 अंकांचा आधार कार्ड क्रमांक आणि कॅप्चा कोड टाकून लॉगिन व्हा.
– ओटीपीचा पर्याय निवडा, पुढील प्रक्रिया करा.
– आधार संबंधीत मोबाईल क्रमांकावर हा ओटीपी येईल.
– ओटीपी टाकून ‘अपडेट आधार ऑनलाइन’ हा पर्याय निवडा.
-‘प्रोसीड टू अपडेट आधार’हा पर्याय निवडा, माहिती भरा.

आधार कार्डमध्ये ऑनलाईन बदल करणे शक्य आहे.

– ओळखपत्र स्कॅन करुन नावात बदल करता येईल.
– जन्मदाखला स्कॅन करुन जन्मतारीख अद्ययावत करा.
– लिंग बदल करण्यासाठी तुमचे ओळखपत्र पुरेसे आहे.
– ऑनलाइन SSUP पोर्टल, मोबाईल ॲपच्या सहायाने भाषा बदलता येते.
– सध्या SSUP पोर्टलवर एकूण १३ भाषा आहेत.