उत्तर प्रदेश: बकरी ईदच्या दिवशी उत्तर प्रदेशातील एका गावात धक्कादायक घटना घडली आहे. शनिवारी सकाळी अन्सारी यांनी त्यांच्या घराशेजारील एका झोपडीत स्वतःच्या हाताने गळा चिरून आत्महत्या केल्याने परिसरात खळबळ उडाली आहे. ६० वर्षीय इस्माईल मोहम्मद अन्सारी यांनी अल्लाहच्या नावाने स्वतःचा बळी देण्याचा प्रयत्न केला, जोरात ओरडण्याचा आवाज आल्यानंतर कुटुंबातील सदस्य तातडीने धावले, त्यांना उपचारासाठी गोरखपूर मेडिकल कॉलेजमध्ये डॉक्टरांनी त्यांना तपासून मृत घोषित केले.
सुसाइड नोट वाचून सगळेच थक्क
घटनास्थळी सुसाइड नोट सापडली असून त्यातून धक्कादायक माहितीसमोर आली आहे. स्वतःला ‘अल्लाहच्या दूताला’ अर्पण करत असल्याचे म्हटले आहे, “बकऱ्याला माणूस मुलाप्रमाणे लहानाचं मोठ करतो आणि नंतर कुर्बानी देतो. तोही एक जीव आहे. कुर्बानी आपण स्वतःची द्यायला हवी. अल्लाहच्या रसूलच्या नावाने मी माझी कुर्बानी देत आहे.” सुसाइड नोट स्थानिक आणि पोलीस दोघेही थक्क झाले आहेत. अन्सारी यांच्या पत्नी हजरा यांनी सांगितले की, ईदची नमाज अदा करून घरी परतले आणि “थेट झोपडीत गेले,” त्यांनी केलेल्या आत्महत्येमुळे कुटुंब पूर्णपणे हादरले आहे.
अन्सारी यांनी स्वतः गळा चिरून आत्महत्या केल्याचे प्राथमिक तपासात दिसून येते, असे अतिरिक्त पोलीस अधीक्षक अरविंद कुमार वर्मा यांनी सांगितले आहे. दरम्यान, पोलिस या प्रकरणाचा अधिक तपास करत आहेत. पोलीस तपास करत आहेत.
