Talegav Dabhade Local Elections : तळेगाव दाभाडे नगर परिषदेच्या आगामी निवडणुकीसाठी राजकीय समीकरणं बदलत आहेत. दाभाडे नगर परिषदेच्या निवडणुकीत मोठ्या घडामोडी घडत आहेत. महाविकास आघाडी आणि महाराष्ट्र नवनिर्माण सेना यांच्यातील संभाव्य युतीवर सध्या जोरदार चर्चा सुरू आहेत. त्यामुळे स्थानिक राजकारणात अनेक नवे बदल होऊ शकतात असं म्हंटलं जातयं. भाजप-राष्ट्रवादी (अजित पवार गट) युतीला टक्कर देण्यासाठी महाविकास आघाडी एकत्र येऊन सामूहिक उमेदवार देणार आहे. तर दुसरीकडे, राज्यात मनसे महाविकास आघाडीसोबत युती करण्याच्या चर्चाही सुरू झाल्या आहेत. (Talegav Dabhade Local Elections)
तळेगाव दाभाडे नगरपरिषद निवडणुक
तळेगाव दाभाडे नगर परिषदेच्या निवडणुकीत महाविकास आघाडी जोमाने तयारीला लागली आहे. भाजप आणि अजित पवार गटाच्या युतीला टक्कर देण्यासाठी महाविकास आघाडीतील शिवसेना (उद्धव ठाकरे गट), राष्ट्रवादी काँग्रेस (शरद पवार गट), काँग्रेस आणि मनसे एकत्र येऊन एक सामूहिक उमेदवार देणार आहेत. या निर्णयाची अधिकृत घोषणा गुरुवारी पत्रकार परिषदेत करण्यात आली. या युतीमुळे भाजप- राष्ट्रवादी कॉंग्रेस पक्ष ( अजित पवार गट) यांना घाम फोडण्याची जोरदार तयारी सुरु आहे. त्यामुळे कोण ही लढत कशी असेल हे पाहण्याची सर्वांना उत्सूकता आहे.
महाविकास आघाडीने तळेगाव दाभाडे नगर परिषदेच्या एकूण १४ प्रभागांतील २८ जागांसाठी उमेदवार उभे करण्याचा निर्णय घेतला आहे. नगराध्यक्ष पदासाठीही एकच उमेदवार निश्चित करण्यात आले आहे. यामुळे तळेगाव दाभाडेतील राजकीय समीकरणं बदलतील, अशी अपेक्षा आहे. भाजप-राष्ट्रवादी (अजित पवार गट) युतीला प्रतिउत्तर देण्यासाठी महाविकास आघाडीने ही एकजुटीची घोषणा केली आहे. आता स्थानिक राजकारणात कोणते विजयी समीकरण तयार होईल, हे पाहणं महत्त्वाचं ठरेल.
