Sharad Pawar : नाशिक : कांद्याचे दर नियंत्रणात आणण्यासाठी सरकारनं निर्यात बंदी करण्याचा निर्णय घातला आहे. निर्यात बंदी केल्यानं कांदा उत्पादक शेतकरी संतप्त आहेत. आता कांदा उत्पादक शेतकऱ्यांच्या पाठिशी शरद पवार उभे राहीले आहे. राष्ट्रवादी काँग्रेसची ताकद कांदा उत्पादक शेतकऱ्यांना मिळत आहे. आज पवारांच्या उपस्थितीत चांदवडमध्ये रास्तारोको आणि सभा होणार आहे. या आंदोलनाला शरद पवार उपस्थित राहणार आहेत. या दरम्यान ते भाषणही करणार आहेत.
उपमुख्यमंत्री अजित पवार यांच्यासह नाशिकमधील व्यापाऱ्यांची दिल्लीत महत्त्वाची बैठक आज पार पडणार आहे. काल कांदा उत्पादकांनी केंद्रीय मंत्री भारती पवारांच्या नाशिकमधील घराबाहेर ठिय्या आंदोलन केलं होतं. मंत्री पियुष गोयल, नितीन गडकरी यांची भेट घेणार असल्याची आमदार दिलीप बनकर यांनी शुक्रवारी माहिती दिली होती.
लिलाव आजपासून सुरू
जे व्यापारी सलग तीन दिवस लिलाव बंद ठेवतील त्यांचे परवाना रद्द करण्याचा सहकार विभागाने इशारा दिला होता. त्याच पार्श्वभूमीवर कांदा लिलाव पुन्हा सुरु होणार आहेत. केंद्र सरकारच्या निषेधार्थ कांदा व्यापाऱ्यांनी बेमुदत संप पुकारला होता. त्यातच पहिल्याच दिवशी म्हणजे शनिवार 9 डिसेंबर रोजी व्यापाऱ्यांमध्ये फूट पडली होती. नाशिकमधील पिंपळगाव आणि विंचूर बाजारसमितीमध्ये लिलाव सुरु होणार आहे.
