(Sharad Pawar) पुणे : दिल्ली येथे बुधवारी काँग्रेस पक्षाचे नेते माजी खासदार राहुल गांधी यांच्या निवासस्थानी विरोधकांची बैठक झाली. मात्र या बैठकीला राष्ट्रवादी काँग्रेस पक्षाचे सर्वेसर्वा शरद पवार Sharad Pawar यांनी दांडी मारली. त्यामुळे राजकीय वर्तुळात चांगलीच चर्चा रंगली होती. बैठकीला उपस्थित न रहाण्यामागे पवारांचे नेमके काय कारण असून शकते. याकडे लक्ष लागून राहिले होते. मात्र पवारांनी याचे कारण सांगितले आहे.
पवार म्हणाले…!
”दिल्ली येथील बैठकीला मला बोलावले होते. पण माझे पुण्यात काही काम होते. त्यामुळे बैठकीला जाता आले नाही.” असे त्यांनी प्रसार माध्यमांना सांगितले आहे.
तसेच मी उद्या दिल्लीत जाऊन त्यांच्याशी बैठक घेणार असून त्या सर्वांना आमचे सहकार्य आहे. तसेच आमचा त्या सर्वांना पाठिंबा आहे, अशी भूमिका पवार यांनी पुण्यात मांडली.
दिल्ली येथे काल काँग्रेस पक्षाचे नेते माजी खासदार राहुल गांधी यांच्या निवासस्थानी विरोधकांची बैठक झाली. मात्र त्या बैठकीला तुम्ही नव्हता. त्यामुळे अनेक चर्चा सुरू झाल्या आहेत. त्या प्रश्नावर शरद पवारांनी उत्तर दिले.
