राहुलकुमार अवचट
यवत : उपसरपंच पदाच्या नेमणूकीत टाळाटाळ केल्याच्या ठपका ठेवून बोरीभडक (ता. दौंड) येथील सरपंच श्रीपती गजशीव यांना सरपंच पदावरून हटविण्यात यावे. असे आदेश पुणे येथील विभागीय आयुक्त यांनी दिले आहेत.
सरपंच श्रीपती गजशीव आणि तत्कालीन ग्रामसेवक यांनी संगनमताने उपसरपंच पदाच्या निवडीचा निर्णय घेणारी ग्रामपंचायतची सभा होणार नाही. यासाठी वेगवेगळ्या मार्गांचा अवलंब केला. असा ग्रामपंचायत सदस्य रेवती पवार यांनी आरोप केला होता. आणि याची तक्रार विभागीय आयुक्तांकडे केली होती. त्यानंतर विभागीय आतुक्त यांनी सरपंच श्रीपती गजशीव यांच्यावर उपसरपंच पदाच्या नेमणूकीत टाळाटाळ केल्याचा ठपका ठेऊन सरपंच पदावरून हटविण्याचे आदेश दिले आहे.
बोरीभडक ग्रामपंचायत निवडणूकीत सन २०१७ मध्ये सरपंच श्रीपती गजशीव हे जनतेतून निवडूण आले होते. तर ग्रामपंचायतीमध्ये कुल गटाची सदस्य संख्या जादा आणि थोरात गटाचा सरपंच अशी परीस्थीती होती. कुल गटाचे सात तर थोरात गटाचे चार सदस्य निवडणूक आले होते आहेत. कुल गटाचे नेतृत्व करणाऱ्या रेवती पवार व सरपंच गजशिव यांच्यातील कलगीतूरा अनेकदा चव्हाट्य़ावर आला होता. त्याच्यातील वाद अनेकदा न्यायालयातही गेल्याचे बोलले जाते.
कुल गटाची सदस्य संख्या जास्त असल्याने त्यांचा उपसरपंच ठरलेला आसायचा. या आधी कुल गटाचे जयश्री आतकीरे, विकास आतकीरे, पुनम गव्हाणे, निर्मला कोपऩर, जयश्री कोळपे असे पाच उपसरपंच झाले आहेत. जयश्री कोळपे यांनी २९ जून २०२१ रोजी राजीनामा दिल्या नंतर पुढील तीस दिवसांत नव्या (सहाव्या) उपसरपंचांची नेमणूक करण्याचे सोपस्कर पुर्ण होणे अपेक्षित होते.
दरम्यान, माजी आमदार थोरात गटाचे चार सदस्य, सरपंच गजशीव आणि तत्कालीन ग्रामसेवक यांनी संगनमताने उपसरपंच पदाच्या निवडीचा निर्णय घेणारी ग्रामपंचायतची सभा होणार नाही यासाठी वेगवेगळ्या मार्गांचा अवलंब केला. असा रेवती पवार यांचा आरोप आहे. त्यासाठी त्यांनी कायदेशीर लढा सुरू केला. रेवती पवार यांनी केलेल्या तक्रारीची शहनिशा करून विभागीय आयुक्त सौरभ राव यांच्या न्यायालयाने निकाल दिला. या निकालात सरपंच श्रीपती बाबुराव गजशिव यांना सरपंच पदावरून काढून टाकण्यात आल्याचा आदेश दिला आहे
याबाबत बिलताना श्रीपती गजशिव म्हणाले, केवळ मागासवर्गीय असल्याने हा अन्याय माझ्यावर होत आहे. रेवती पवार या सदस्या सलग दिड वर्षे ग्रामपंचायत सभेला हजर नाहीत. माझ्यावर त्यांनी अनेक गुन्हे दाखल केले आहेत. मी त्यांच्यावर अॅट्रॉसिटीचा गुन्हा दोनदा दाखल केला आहे. या निर्णया विरूद्ध मी उच्च न्यायालयात दाद मागणार आहे. तसेच उपसपंच पदाच्या निवडीला आमचा कधीही विरोध नव्हता. असे गजशिव यांनी सांगितले आहे
रेवती पवार म्हणाल्या की, या निकालाने आनंद वाटला आहे. मात्र पुर्ण समाधान झाले नाही. सरपंचांसोबत तत्कालीन ग्रामसेवक व थोरात गटाचे चारही सदस्या यात तीतकेच दोषी आहेत. त्यांच्यावरही कारवाई झाली पाहिजे.
