Rohit Pavar मुंबई : रोहित पवार यांनी शरद पवारांसोबत राहणे पसंत केले असून अजित पवारांची आपल्याला काळजी वाटत असल्याचं त्यांनी म्हटलंय. राष्ट्रवादी काँग्रेसमध्ये शरद पवार विरुद्ध अजित पवार असे दोन गट पडल्याचे पाहायला मिळत आहे.(Rohit Pavar)
अजित पवार यांनी भाजपासोबत जाऊन सत्तेत सहभागी होण्याचा निर्णय घेतला. मात्र, शरद पवारांनी या निर्णयाला आपला पाठिंबा नसल्याचे सांगत थेट अजित पवारांना चॅलेंज दिलं आहे. त्यासाठी, शरद पवार जनतेत उतरले असून आज येवल्यात ते सभा घेत आहेत.
शरद पवार जनतेत उतरले असून आज येवल्यात सभा.
राष्ट्रवादीतील अनेक नेते शरद पवारांसोबत आहेत. त्यातच, नातू रोहित पवार हेही अजित पवार गटातील नेत्यांवर तोफ डागताना दिसत आहेत. रोहित यांनी आज मंत्री हसन मुश्रीफ यांच्यावर टीका करत त्यांना छत्रपती शाहू महाराजांची आठवण करुन दिलीय. तर, माध्यमांशी बोलताना पुतण्या म्हणून आपणास भीती वाटत असल्याचे सांगत अजित काकांबद्दल काळजीही व्यक्त केलीय. (Rohit Pavar)
धर्मांध महाशक्तीने यंत्रणांचा वापर करत त्रास देऊनही मंत्री हसन मुश्रीफ याच शक्तीच्या मांडीला मांडी लावून बसले आहेत. त्यामुळे ते खऱ्या अर्थाने कोल्हापूरकर व शाहू महाराजांचा वैचारिक वारसा विसरलेत या शब्दात आमदार रोहित पवार यांनी मंत्री मुश्रीफ यांच्यावर टीकेची झोड उठवली. मुश्रीफ हे राष्ट्रवादीचे अध्यक्ष शरद पवार यांचे विश्वासू शिलेदार म्हणून ओळखले जात होते.(Rohit Pavar)
दरम्यान, मात्र, दोनच दिवसांपूर्वी त्यांनी सत्ताधारी भाजपबरोबर हातमिळवणी करत मंत्रिमंडळात शपथ घेतली. या पार्श्वभूमीवर आमदार पवार यांनी सोशल मीडियावर पोस्ट करत शरद पवार यांच्यामुळे मुश्रीफांना काय- काय मिळाले याचा लेखाजोखाच मांडला.(Rohit Pavar)
