Rohit Pawar : राष्ट्रवादी काँग्रेसचे आमदार रोहित पवार यांनी पुण्यातील वाढत्या गुन्हेगारी आणि सरकारी जमिनीच्या वितरणाच्या प्रकरणावरून राज्य सरकारवर थेट निशाणा साधला आहे. त्यांनी सरकारला विचारलेल्या प्रश्नांमुळे पुन्हा एकदा प्रशासनाच्या पद्धती, सवलती आणि निवडकांना मिळणारे फायदे या मुद्द्यांवर राजकीय चर्चा रंगली आहे. Rohit Pawar
पुणेकरांनी किती दिवस दहशतीत रहायचं?
रोहित पवार यांनी सोशल मीडियावर एक व्हिडिओ शेअर करत सरकारवर गंभीर आरोप केला. त्यांच्या म्हणण्यानुसार पुण्यात गुन्हेगारांना सहज जामीन मिळतो, तर दुसरीकडे काही राजकीय नेत्यांशी संबंधित कंपन्यांना सरकारी जमीन अत्यंत कमी किमतीत उपलब्ध करून दिली जाते. त्यांनी उपस्थित केलेला प्रश्न म्हणजे पुण्यातील मुंढवा येथील सुमारे ४० एकर सरकारी जमीन. आरोपानुसार, या जमिनीचा बाजारभाव कोट्यवधींमध्ये असताना ती अत्यल्प दरात नेत्यांच्या हितसंबंधाशी संबंधित कंपनीला मिळाल्याचे दिसून येत असल्याचे ते म्हणाले.
या प्रकरणाला “कायदा आणि सवलतींची दुहेरी मापदंडे” असे म्हणत रोहित पवार पुढे म्हणाले की, सामान्य नागरिक कठोर नियमांच्या जाळ्यात अडकतात, तर काही निवडक लोकांसाठी कायदे अचानक सैल का होतात, हा प्रश्न लोकांसमोर मोठा आहे. त्यांनी गृहमंत्र्यांना थेट विचारले की “पुण्यातील कायदा-सुव्यवस्थेचे नक्की काय चालले आहे?”
गुन्हेगारीचे व्हिडिओ व्हायरल
पुण्यातील गुन्हेगारीचे व्हिडिओ व्हायरल होत असताना रोहित पवार यांनी राज्य शासनाकडे मागणी केली की, नागरिकांच्या सुरक्षेचा प्रश्न महत्वाचा आहे. गुन्हेगारांना संरक्षण आणि नेत्यांना जमीन मिळवून देण्याचा प्रकार सुरू असेल तर सार्वजनिक विश्वास कसा टिकणार, असेही ते म्हणाले.
#गुंडांना_जामीन_नेत्यांना_जमीन
पुण्यात रात्री हातात कोयता घेऊन हॉटेल चालकाला लुटण्याचा आणि धमकावल्याचा प्रकार म्हणजे पुण्याच्या कायदा व सुव्यवस्थेचे बारा वाजल्याचं निदर्शक आहे.. चार–दोन टग्यांना पकडून चौका-चौकात ‘नव पुण्याचे शिल्पकार’ म्हणून बॅनरबाजी करणारे मुख्यमंत्री यावर काही… pic.twitter.com/Ue7afQ8ujj
— Rohit Pawar (@RRPSpeaks) November 20, 2025
तपास सुरू असलेल्या या प्रकरणामुळे प्रशासनावर आणि राजकीय क्षेत्रावर ताण निर्माण झाला आहे. सरकारी जमिनींच्या वाटपातील पारदर्शकता, गुन्हेगारीवर आळा आणि राजकीय हस्तक्षेप याबाबत राज्यातील वातावरण चांगलेच तापले आहे.
