लोणी काळभोर : शिवसेनेचे (उद्धव बाळासाहेब ठाकरे) हवेली तालुका प्रमुख प्रशांत दत्तात्रय काळभोर यांची हवेली तालुका देखरेख सहकारी संघाच्या अध्यक्षपदी तर जितेंद्र राजाराम कोंडे यांची उपाध्यक्षपदी बिनविरोध निवड करण्यात आली आहे.
पुण्यातील मार्केटयार्ड येथील पुणे जिल्हा खरेदी विक्री संघाच्या कार्यालयात सोमवारी (ता.१२) हि निवडणूक प्रक्रिया पार पडली. या निवडणूक प्रक्रियेत प्रशांत काळभोर यांची अध्यक्षपदी तर जितेंद्र कोंडे यांची उपाध्यक्षपदी सर्वानुमते बिनविरोध निवड करण्यात आली आहे. तसेच यावेळी संघाच्या ५ नवनिर्वाचित संचालकांचीही निवड करण्यात आली आहे.
यावेळी शिवसेना जिल्हा प्रमुख माऊली कटके, पुणे जिल्हा बँकेचे संचालक प्रदीप कंद, विकास दांगट, प्रवीण शिंदे, भाजपा महाराष्ट्र प्रदेश कार्यकारिणी सदस्य रोहिदास उंद्रे, हवेली खरेदी विक्री संघाचे अध्यक्ष दत्ता पायगुडे, कृषी उत्पन्न बाजार समिती माजी सभापती प्रताप गायकवाड, माजी सभापती दिलीप काळभोर, प्रकाश जगताप, राजाराम कांचन, जिल्हा परिषदेचे माजी सदस्य लक्ष्मण केसकर, संजय गायकवाड, साधना सहकारी बँकेचे जेष्ठ संचालक सुभाष काळभोर, संचालक विकास तुपे, प्रताप बोरकर, राजेंद्र खांदवे, सोनबा चौधरी, नितीन पाटील आदी मान्यवर उपस्थित होते.
हवेली तालूक्यातील शेतकरी सभासदांना लवकर व सुलभ कर्जपुरवठा व्हावा तसेच सचिव व विकास सोसायटीमधील संचालक मंडळ यांच्यामध्ये समन्वय साधून कामकाजामध्ये सुसूत्रता आणण्यासाठी व तालु्क्यातील विकास सोसायटी मजबूत करण्यावर भर देणार आहे असे नवनिर्वाचित अध्यक्ष प्रशांत काळभोर यांनी सांगितले.
हवेली तालुका देखरेख सहकारी संघाच्या नवनिर्वाचित संचालकांची नावे पुढीलप्रमाणे :
१) प्रशांत दत्तात्रय काळभोर (अध्यक्ष)
२) जितेंद्र राजाराम कोंडे (उपाध्यक्ष)
३) मिलापचंद धनाजी गायकवाड, (संचालक)
४) वसंत सोपानराव जगताप (संचालक)
५) कल्याण अंकुश शिंदे (संचालक)
६) सुभाष सदाशिव टकले (संचालक)
७) लक्ष्मण बबनराव माताळे (संचालक)
