मुंबई : शिंदे गटाचे सांगोल्याचे आमदार शहाजीबापू पाटील यांनी अवघ्या आठ दिवसात एक दम ओक्केमध्ये नऊ किलो वजन कमी केले आहे. यामुळे पुन्हा एकदा शहाजीबापू पाटील चर्चेत आले आहे. शहाजीबापूंनी वजन कमी करण्यासाठी थेट बंगळुरूतील श्री श्री श्री रविशंकर यांचे आश्रम गाठले होते.
वजन कमी केल्यावर शहाजीबापू सांगतात की, वजन आटोक्यात रहावे व जनसेवेसाठी आणखी जोमाने पळता यावे यासाठी बंगरुळु येथील श्री श्री रविशंकर महाराजांच्या आश्रमामध्ये पंचकर्म आणि सुदर्शन क्रियेद्वारे वजन कमी केले असून आता एकदम फिट आणि फाईन झाल्यासारखे वाटतंय, हाजीबापू हे ९ दिवस बंगळुरुतील आश्रमात पंचकर्म आणि शारिरीक व्यायाम करण्यात व्यक्त होते.
दरम्यान, हिवाळी अधिवशेनाच्या सुरुवातीच्या दोन दिवसांनंतर शहाजीबापू पाटील अचानक गायब झाले होते. ठाकरे गटाच्या नेत्या सुषमा अंधारे यांनी सांगोल्यात जाऊन शहाजीबापू यांच्यावर टीकास्त्र डागले होते. मात्र, या टीकेलाही शहाजीबापू यांनी प्रत्युत्तर दिले नव्हते.
