सागर घरत
Karmala News करमाळा : महाराष्ट्र राज्याचे उपमुख्यमंत्रीपदी अजित पवार यांची निवड झाल्यानंतर पुन्हा एकदा करमाळा तालुक्याला मिळणाऱ्या निधीचा ओघ पूर्वीप्रमाणे सुरू झाला असून, (Karmala News) त्याची प्रचिती जुलै २०२३ च्या पुरवणी अर्थसंकल्पामध्ये स्पष्टपणे दिसून येत आहे. (Karmala News)
विशेष महत्त्वाची बाब म्हणजे या वर्षीपासून मतदार संघातील ग्रामीण मार्गांना निधी मिळण्याची तरतूद प्रथमच अर्थसंकल्पात करण्यात आली असून, करमाळा मतदारसंघातील ग्रामीण मार्गांच्या विकासासाठी तब्बल १८ कोटी तर राज्यमार्गाच्या व प्रमुख जिल्हा मार्गाच्या विकासासाठी ७ कोटी अशी २५ कोटी निधीची तरतूद झाली असल्याची माहिती आमदार संजयमामा शिंदे यांनी दिली. हा निधी मंजूर केल्याबद्दल त्यांनी मुख्यमंत्री एकनाथ शिंदे, उपमुख्यमंत्री अजित पवार, देवेंद्र फडणवीस यांचे आभार मानले.
करमाळा मतदारसंघासाठी मंजूर झालेल्या निधीमधून कुगाव चिकलठाण नं १ शेटफळ जेऊर कोंढेज साडे रस्ता, कुंभारगाव ते घरतवाडी रस्ता, कुस्करवाडी ते इजिमा ७८ रस्ता, बोरगाव ते निलज रस्ता, रावगाव-धगटवाडी- शेळके वस्ती-वाघमारे वस्ती ते वडगाव रस्ता, महादेववाडी ते पणासे वस्ती रस्ता, मुंगशी ते नाडी रस्ता, भोसरी ते चिंकहिल रस्ता, म्हैसगाव ते पवार वस्ती रस्ता, दहिवली ते पवार वस्ती रस्ता, निमगाव ते वरपे वस्ती रस्ता अंबड ते बिरोबा वस्ती रस्ता, कुर्डू ते घाटणे ते ढाणे वस्ती रस्ताचा समावेश आहे.
तसेच पिंपळखुंटे ते वडाचीवाडी रस्ता, निमगाव ते काशीद वस्ती रस्ता, भुताष्टे ते सापडणे रस्ता, रामा २०३ (वडाचीवाडी) ते सापटणे (भोसे) रस्ता, चिंचगाव ते लहू रस्ता, चोभेपिंपरी ते गवळेवाडी बारलोणी रस्ता, पिंपळखुंटे ते कचरे वस्ती रस्ता, शेडशिंगे ते पिंपळनेर रस्ता, लऊळ ते सापडणे रस्ता, बारलोणी ते काशीद वस्ती रस्ता, रोपळे बिटरगाव शिंगेवाडी रस्ता, बिटरगाव ते नाडी रस्ता, कव्हे ते शिंगेवाडी रस्ता, कुर्डू ते दिघी पिंपरी रस्ता, कुर्डू ते घाटणे रस्ता, रोपळे ते मुंगशी रस्ता या प्रमुख रस्त्यांचा समावेश आहे.
