उत्तर प्रदेश: उत्तर प्रदेशातील कानपूरमध्ये (Viral News) एक धक्कादायक घटना घडली आहे. दरियापूर (Kanpur News) गावात लग्नानंतरही एका तरुणाने आपल्या एक्स गर्लफ्रेंडला छेडण्याचा आणि जबरदस्ती किस करण्याचा प्रयत्न केला. मात्र, संतापलेल्या तरुणीने प्रतिकार करत त्याची जीभ चावून जिभेचे दोन तुकडे केले. या घटनेनंतर हा प्रकार संपूर्ण परिसरात चर्चेचा विषय ठरला आहे. (Breaking News)
बिल्हौर पोलिस ठाण्याच्या हद्दीत येणाऱ्या दरियापूर गावातील तरुणी सोमवारी दुपारी चुलीसाठी माती गोळा करण्यासाठी तलावाजवळ गेली होती. तेव्हा तिच्या गावातीलच 35 वर्षांचा तरुण तेथे आला. यापूर्वी दोघांमध्ये प्रेमसंबंध होते. मात्र, तरुणीच्या कुटुंबीयांचा या नात्याला विरोध होता. त्यामुळे तरुणीने त्याच्याशी बोलणे आणि संपर्क ठेवणे बंद केले होते. तिच्या कुटुंबीयांनी तिचे लग्न दुसऱ्या तरुणासोबत ठरवल्यानंतर हा युवक अधिकच नाराज झाला होता. तो तिला सतत भेटण्याचा आणि बोलण्याचा प्रयत्न करत होता.
घटनेच्या दिवशी तरुणीला एकटी पाहून तो तिची छेड काढू लागला. तिने प्रतिकार करून नकार दिला. पण तो थांबला नाही आणि तिला जबरदस्ती किस करू लागला. अचानक झालेल्या या प्रकारामुळे घाबरलेल्या तरुणीने स्वतःचा बचाव करण्यासाठी त्याच्या जीभेला इतका जोरात चावा घेतला की जिभेचे दोन तुकडे झाले. यामुळे तरुण गंभीर जखमी झाला.
तलावाजवळ उपस्थित असलेल्या ग्रामस्थांनी हा प्रकार पाहिला आणि त्यांनी जखमी तरुणाच्या कुटुंबीयांना माहिती दिली. कुटुंबीयांनी तातडीने त्याला स्थानिक रुग्णालयात नेले. प्राथमिक उपचारांनंतर डॉक्टरांनी त्याला कानपूरमधील हॅलेट रुग्णालयात हलवण्याचा सल्ला दिला. पोलिस निरीक्षक अशोक कुमार सरोज यांनी सांगितले की, तरुणावर छेडछाड आणि जबरदस्तीचा गुन्हा दाखल करण्यात आला असून पुढील तपास सुरू आहे.
