Sexual Exploitation : दिल्ली येथील निजामुद्दीन परिसारत एक धक्कादायक घटना घडली आहे. लैंगिक शोषण केल्याचा राग मनात धरुन तीन अल्पवयीन मुलांनी एका तरुणाची भोसकून हत्या केली आहे. एवढंच नाही तर, गवत आणि कापड टाकून मृतदेह जाळल्याची घटना घडली आहे. ही घटना 23 डिसेंबरला रात्री घडली आहे. घटनेची माहिती मिळताच पोलिसांनी घटनास्थळी धाव घेत सर्व आरोपींना ताब्यात घेतलं आहे.
हजरत निजामुद्दीन पोलीसांनी दिलेल्या माहितीनुसार, आरोपीनं हे कृत्य त्याच्यावर झालेल्या लैंगिक अत्याचार आणि शोषणाचा बदला घेण्याच्या हेतूने केली, असल्याची माहिती आहे. धक्कादायक बाब म्हणजे, आरोपी हे अल्पवयीन असून केवळ 16 ते 17 वयोगटातील आहेत. सर्व आरोपींना दिल्ली पोलिसांनी अटक केली आहे. पोलिसांनी केलेल्या चौकशीत आझाद नावाच्या एका आरोपीने कृत्याची कबुली दिली आहे. त्याने सांगितले की, तिघांनी मिळून 25 वर्षीय तरुणाची हत्या केली.
मृतदेह जाळून नष्ट करायचा प्रयत्न
आरोपींनी वाळके आणि सुखलेले गवत आणि कापड यांचा वापर करुन मृतदेह जाळण्याचा प्रयत्न होता. पुरावा आणि मृतदेह नष्ट करण्याचा त्यांचा इरादा होता. दरम्यान, आरोपींवर हत्या आणि गुन्ह्याचा पुरावा नष्ट करण्याचा प्रयत्न केल्याच्या आरोपावरुन एफआयआर नोंदवला असून हजरत निजामुद्दीन पोलिस स्टेशनमध्ये या आधी अशाच प्रकारचा गुन्हा दाखल झाला होता.
या घटनेतील मृत व्यक्तीविरोधात एका अल्पवयीन मुलीचे लैंगिक शोषण केल्याच्या गुन्ह्याची नोंद आहे. तसेच मृतावर या आधीही लैंगिक शोषण किंवा गैरवर्तनाचे आरोप झाले होते. त्याबातब पोलिस दप्तरी नोंदही झाली होती.
