Jammu and Kashmir : जम्मू-काश्मीरमधून एक धक्कादायक घटना समोर येत आहे. जम्मू-काश्मीरमध्ये पोलिसांच्या एका निवृत्त वरिष्ठ पोलिस अधिकाऱ्याची गोळ्या झाडून हत्या करण्यात अली आहे. बारामुल्ला जिल्ह्यात रविवारी (२४ डिसेंबरला) मशिदीत नमाज पठण करत असताना दहशतवाद्यांनी गोळ्या झाडून हत्या केल्याची खळबळजनक घटना घडली आहे. मोहम्मद शफी मीर असं या मृत अधिकाऱ्याच नाव आहे. या घटनेने परिसरात मोठी खळबळ उडाली आहे.
पोलिसांनी दिलेल्या अधिक माहितीनुसार, मोहम्मद शफी मीर शहरातील गंतमुल्ला बाला भागातील स्थानिक मशिदीत अजान करत असताना अचानक काही दहशतवाद्यांनी तेथे घोळका करून त्यांच्यावर बेछूट गोळीबार करण्यास सुरूवात केली. यावेळी तेथे असलेल्या अन्य नागरिकांची पळापळ झाली. या घटनेमुळे परिसरात भीती आणि तणावाचं वातावरण निर्माण झालं आहे. या घटनेनंतर जम्मू-काश्मीर पोलिसांनी परिसराला वेढा घातला असून अधिक तपास सुरू केला.
काश्मीर झोन पोलिसांनी याबाबत सोशल मीडिया अकाऊटवरून माहिती दिली आहे. या पोस्टमध्ये त्यांनी म्हटलं आहे की, दहशतवाद्यांनी श्री मोहम्मद शफी, गंटमुल्ला, शेरी बारामुल्ला येथे निवृत्त पोलीस अधिकारी यांच्यावर गोळीबार केला. मशिदीमध्ये अजानची नमाज पढत असताना ते जखमी झाले. त्यामुळे या परिसराची नाकेबंदी करण्यात आली आहे. अधिक तपशीलांची प्रतीक्षा आहे.
काही दिवसांपूर्वीच त्यांची सूरक्षा काढली होती
२०१२ मध्ये मिर एसएसपी म्हणून निवृत्त झाले होते. काश्मीर खोऱ्यातील ते रहिवासी असून त्यांना वैयक्तिक सुरक्षा अधिकारी (पीएसओ) द्वारे सुरक्षा देण्यात आली होती. मात्र, काही दिवसांपूर्वीच त्यांची ही सूरक्षा काढून घेण्यात आली होती. सुरक्षा काढल्यानंतर अशी काही घटना घडेल असे कोणालाही वाटले नव्हते. मिर यांच्या हत्येने कुटुंबियांवर दु:खाचा डोंगर कोसळला आहे.
#Terrorists fired upon Shri Mohd Shafi, a retired police officer at Gantmulla, Sheeri #Baramulla, while praying Azan in the mosque and succumbed to injuries. Area has been #cordoned off. Further details awaited.@JmuKmrPolice
— Kashmir Zone Police (@KashmirPolice) December 24, 2023
