लहू चव्हाण
National Honor Award | पाचगणी : पाचगणी गिरिस्थान नगरपरिषदचे माजी नगराध्यक्ष शेखर कासुर्डे यांना विविध मान्यवरांच्या हस्ते राष्ट्रीय गौरव पुरस्काराने गौरविण्यात आले. कासूर्डे यांना सन्मान चिन्ह,विशेष प्रमाणपत्र,म्हैसूरी फेटा, चंदनाचा पुष्पहार असा हा राज्यस्तरीय पुरस्कार विविध क्षेत्रातील मान्यवरांचे हस्ते प्रदान करण्यात आला.
गोवा येथील गणपत पार्सेकर कॉलेज ऑफ एज्युकेशन हरमल येथे पुरस्कार सोहळा…
यावेळी केंद्रीय कायदा मंत्री व कर्नाटकचे मुख्यमंत्री वीरप्पा मोइली, गोव्याचे माजी मुख्यमंत्री लक्ष्मीकांत पार्सेकर, केंद्रीय मंत्री श्रीमती रत्नमाला सावनूर, जिल्हा कमांडेंट होगा डिपार्टमेंट कर्नाटक सरकार अरविंद पट्टी, बिदरचे जिल्हा पोलिस प्रमुख महेश मेघाण्णावर, कोल्हापूर महानगरपालिकेचे महापौर राजू शिंगाडे, फाऊंडेशन चेअरमन कीमेल शर्मा, बेळगावीचे खासदार बॅ. अमरसिंह पाटील, विशेष अभियंता जयराज लोढे आदी उपस्थित होते.
सामाजिक क्षेत्रात उल्लेखनीय कार्य करणारे कासुर्डे हे गेली वीस वर्षांहून अधिक काळ पाचगणीच्या राजकारणात सक्रिय असून त्यांनी आपल्या पाच वर्षांच्या नगराध्यक्ष पदाच्या कारकीर्दीत शहरात अनेक विकासकामे राबवली. या सर्व कामाची दखल घेवून त्यांना हा राष्ट्रीय पुरस्कार प्रदान करण्यात आला.
आमदार मकरंद पाटील, जिल्हा बँकेचे संचालक राजेंद्रशेठ राजपुरे यांच्यासह राजकीय, सामाजिक, क्रीडा क्षेत्रातील मान्यवरांकडून त्यांच्यावर अभिनंदनाचा वर्षाव होत आहे.
अधिक बातम्या वाचण्यासाठी येथे क्लिक करा…
Pachgani News | पाचगणी येथे शरीर सौष्ठव स्पर्धेचे आयोजन
