नवी दिल्ली: नवनियुक्त राज्यसभा खासदार चंद्रकांत हंडोरे यांनी गुरुवारी काँग्रेस संसदीय पक्षाच्या अध्यक्षा सोनिया गांधी आणि काँग्रेस नेते राहुल गांधी यांची भेट घेतली. दहा जनपथवरील सोनिया गांधी यांच्या निवासस्थानी या दोन्ही नेत्यांची भेट खासदार हंडोरे यांनी घेतली. नुकत्याच पार पडलेल्या राज्यसभा निवडणुकीनंतर हंडोरे दिल्लीत आले होते. काँग्रेस अध्यक्ष मल्लिकार्जुन खर्गे यांचीही त्यांनी भेट घेतली. राज्यात काँग्रेसला सशक्त करा अशा सूचना राहुल गांधी यांनी या भेटीप्रसंगी दिलेल्या आहेत अशी महिती खा. हांडोरे यांनी दिली.
