नवी दिल्ली : केंद्र सरकारने काश्मीमधील फुटीरतावादी पक्ष ‘तेहरिक-ए-हुर्रियत’ला दहशतवादी संघटना घोषित केले आहे. केंद्रीय गृहमंत्री अमित शहा यांनी ही माहिती दिली आहे. अमित शाह म्हणाले की फुटीरतावादी पक्ष तेहरीक-ए-हुर्रियतला बेकायदेशीर कृत्य प्रतिबंध कायद्यानुसार ‘बेकायदेशीर संघटना’ घोषित करण्यात आले आहे.
27 डिसेंबर रोजी सरकारने मुस्लिम लीग जम्मू काश्मीर (मसरत आलम गट) या संघटनेवर बंदी घातली होती. दहशतवादी संघटना म्हणून केंद्राने जाहीर केले होते. या संघटनेचा नेता मसरत आलम भट हा भारतविरोधी कारवायांमध्ये गुंतला असल्याचा आरोप आहे.
‘तेहरिक-ए-हुर्रियत’ दहशतवादी कारवायांमध्ये सामील आहे आणि जम्मू-काश्मीर भारतापासून वेगळे करणे हा त्याचा उद्देश आहे.. या संघटनेकडून इस्लामी राज्य स्थापन करण्याचा प्रयत्न सुरू होता. भारतविरोधी कारवायांमध्ये गुंतलेल्या संघटनांचा तात्काळ उच्चाटन करण्यात येणार असल्याचा इशाराही त्यांनी दिला.
“तेहरिक-ए-हुर्रियत, जम्मू आणि काश्मीरला अंतर्गत ‘बेकायदेशीर संघटना’ घोषित करण्यात आले आहे,” केंद्रीय गृहमंत्र्यांनी सोशल मीडिया प्लॅटफॉर्म X वर लिहिले.ही संघटना जम्मू-काश्मीरमध्ये फुटीरतावादाला चालना देण्यासाठी भारतविरोधी प्रचार करत असून दहशतवादी कारवायांमध्ये सहभागी होती.
