नवी दिल्ली : राज्याचे दिवंगत उपमुख्यमंत्री अजित पवार (Ajit Pawar Plane Crash) यांच्या विमान अपघाताबाबत आमदार रोहित पवार यांनी पुन्हा एकदा गंभीर (Ajit Pawar Death) प्रश्न उपस्थित केले आहेत. दिल्लीतील पत्रकार परिषदेत (Rohit Pawar) बोलताना त्यांनी विमा रक्कम, पायलटची आर्थिक स्थिती आणि विमान व्यवस्थापन कंपनीच्या भूमिकेबाबत संशय व्यक्त केला. (Latest Marathi News)
रोहित पवार यांच्या दाव्यानुसार, अपघातग्रस्त विमानाची किंमत सुमारे 35 कोटी रुपये होती; मात्र त्याचा विमा 210 कोटी रुपयांचा होता. पायलटसाठी स्वतंत्र 50 कोटी रुपयांचा विमा घेतल्याचाही त्यांनी उल्लेख केला. गुजरातमधील एका गुंतवणूकदाराने हे विमान खरेदी केले होते, असे सांगत त्यांनी त्याचा थेट संबंध नसल्याचे स्पष्ट केले. मात्र विमा रकमेतील तफावत आणि अपघाताच्या परिस्थितीमुळे अनेक प्रश्न निर्माण होत असल्याचे त्यांनी म्हटले.
पायलटच्या पार्श्वभूमीबाबतही त्यांनी शंका व्यक्त केली. जेट एअरवेजमध्ये काम करताना त्यांना दरमहा 10 ते 12 लाख रुपये वेतन मिळत होते; मात्र गेल्या 4 वर्षांत नोकरी नसल्याने त्यांनी व्हीआरएस स्वीकारले आणि अलीकडे 3 ते 4 लाख रुपये वेतनावर काम करत होते. त्यामुळे ते आर्थिक तणावात होते का, हा मुद्दा तपासात समोर यायला हवा, असे त्यांनी नमूद केले.
व्हीएसआर कंपनीवरही रोहित पवार यांनी गंभीर आरोप केले. अकाउंटेबल मॅनेजर आणि फ्लाईट सेफ्टी मॅनेजर यांची सखोल चौकशी झाली का, असा सवाल त्यांनी उपस्थित केला. काही अधिकाऱ्यांवर अत्याचाराचे आरोप असल्याचेही त्यांनी सांगितले. विमान परवानगीशिवाय उडवले जात होते का, याचाही तपास व्हावा, अशी मागणी त्यांनी केली.
या संदर्भात त्यांनी पंतप्रधान नरेंद्र मोदी, अमित शाह आणि विरोधी पक्षनेते राहुल गांधी यांनी लक्ष घालावे, असे आवाहन केले. नागरी उड्डाण मंत्र्यांच्या राजीनाम्याची मागणी करत त्यांनी निष्पक्ष आणि पारदर्शक चौकशीची गरज अधोरेखित केली.
दरम्यान, या आरोपांवर संबंधित संस्था किंवा अधिकाऱ्यांची अधिकृत प्रतिक्रिया अद्याप समोर आलेली नाही. अपघाताच्या तपासाचा अधिकृत अहवाल येणे महत्त्वाचे ठरणार आहे.
