Tata Group Multibagger Share: मुंबई : शेअर मार्केटमध्ये टाटांचा बोलबाला नेहमीचं पाहायला मिळतो. गुंतवणूकदारांना मालामाल करताना टाटांचा कोणताच शेअर फोल ठरत नाही. असाच एक टाटांच्या कंपनीचा शेअर मल्टीबॅगर ठरला आहे. तो म्हणजे ट्रेंट लिमिटेड शेअर. टाटा समूहाच्या कंपनीनं 2023 मध्ये आपल्या गुंतवणूकदारांना मल्टीबॅगर परतावा दिला आहे.
टाटा समूहाची कंपनी ट्रेंट लिमिटेड रिटेल, सौंदर्य आणि फॅशन उत्पादनांच्या व्यवसायाशी संबंधित आहे. या कंपनीच्या प्रमुख ब्रँडमध्ये झुडिओ आणि वेस्टसाइड यांचा समावेश आहे. त्यांची देशभरात 500 हून अधिक दुकानं आहेत. ज्या कंपन्यांचे मार्केट कॅप 1 लाख कोटी रुपये आहे. या यादीत टाटांच्या या कंपनीचा समावेश आहे. ट्रेंट एमकॅपनं गेल्या आठवड्याच्या शेवटच्या ट्रेडिंग दिवशी शुक्रवारी 1.05 लाख कोटी रुपयांची नोंद केली.
टाटा समूहानं 1998 मध्ये ट्रेंट लिमिटेडची स्थापना केली. 10 वर्षांपूर्वी 13 डिसेंबर 2013 रोजी या कंपनीच्या एका शेअरची किंमत फक्त 101 रुपये होती, जी गेल्या शुक्रवारी वाढून 2 हजार970 रुपये झाली. गेल्या 5 वर्षात टाटांच्या या शेअरनं 72.25 टक्क्यांचा परतावा दिला.
ट्रेंट लिमिटेड शेअर ने 5 लाख रुपये गुंतवणाऱ्या गुंतवणुकदारांची रक्कम फक्त एका वर्षात दुप्पट केली आहे. टाटांचा हा शेअर गेल्या दशकापासून त्यांच्या गुंतवणूकदारांसाठी फायद्याचा सौदा ठरला आहे. महत्त्वाची आणि सर्वात दिलासादायक बाब म्हणजे, टाटांच्या या शेअरनं गुंतवणूकदारांना कधीही निराश केलेलं नाही. नेहमी तेजीतच राहिला आहे.
शेयर बाजार चढ-उतार आणि जोखमेची गुंतवणूक असलेल्या व्यवहार म्हटलं जातं. परंतु, यामध्ये अनेक असेही स्टॉक्स आहेत, जे आपल्या गुंतवणूकदारांना मालामाल करत आहेत, याच स्टॉक्समध्ये सहभागी आहेत, ट्रेंट लिमिटेड स्टॉक कंपनीच्या व्यवहारावर नजर टाकली तर, टाटांचा शेअर गुंतवणूकदारांसाठी फायद्याचा सौदा ठरला आहे. गेल्या सप्टेंबर 2023 च्या तिमाहीत ट्रेंटचा नेट प्रॉफिट वर्षाला 56 टक्क्यांनी वाढत असल्याचं पाहायला मिळालं.
