Thane Rain: ठाणे: गुरुवारी रात्री आठच्या सुमारास नवी मुंबईसह ठाणे परिसरात जोरदार पावसाने हजेरी लावली आहे. हवामान विभागाने पावसाचा कोणताही अंदाज वर्तवला नसताना अचानक पावसाला सुरुवात झाल्याने नागरिकांची एकच तारांबळ उडाली. नवी मुंबईत तर ढगांच्या गडगडाटासह जोरदार पाऊस पडत आहे. ठाण्यातही पाऊस सुरु झाला आहे.
घराबाहेर पडलेल्या नागरिकांना या अवकाळी पावसाचा चांगलाच फटका बसला. घरी परताना मोठा मनस्ताप सहन करावा लागत आहे. या अचानक आलेल्या पावसामुळे वाहतूक व्यवस्थेवरही परिणाम झाला आहे. याशिवाय दुकानदार, व्यावसायिकांसह नोकरवर्गालाही घरी परतण्यासाठी पर्यायी वाहतूक व्यवस्थेचा मार्ग अवलंबवा लागत आहे.
तसेच कल्याणमध्ये देखील विजेच्या कडकडाटासह जोरदार पावसाला सुरूवात झाली आहे. अनेक ठिकाणी एक तासापासून वीज गेली आहे. ऐन दिवाळीच्या तोंडावर अचानक पाऊस कोसळल्याने रस्त्यावरील दुकानदाराचे मोठे नुकसान झालं आहे.
