पालघर : देशात महिला अत्याचाराच्या घटना सातत्याने घडताना दिसत आहेत. त्याविरोधात देशभरात आंदोलनं सुद्धा सुरु आहेत. मात्र, अजूनही महिलांविरोधात घडणारे गुन्हे कमी होत नाही आहे. अशातच आता पालघरमध्ये 32 वर्षीय महिलेवर एकाने डोक्याचे केस पकडले तर दुस-याने चाकूचा धाक दाखवत सामुहिक बलात्कार केल्याचा प्रकार समोर आला आहे. ही घटना नालासोपा-यातील संतोष भवन येथे घडली आहे.
जितेंद्र यादव आणि अवी जयस्वाल अशी दोन आरोपींची नावे आहेत. मात्र दोन्ही आरोपी फरार असून त्यांचा शोध घेण्यासाठी त्यांनी पथके तयार केली आहेत. या प्रकरणी अधिक तपास पोलीस करत आहेत.
मिळालेल्या माहितीनुसार, 32 वर्षीय पीडित महिला ही 10 सप्टेंबरला रात्री सव्वा नऊ वाजण्याच्या सुमारास मुलाला घराच्या बाजूला बोलविण्यासाठी गेली होती. तेव्हा तेथील एका आरोपीने तिच्या पाठीमागून येऊन महिलेच्या डोक्याचे केस पकडून एका हाताने तोंड दाबले. त्यानंतर एका गल्लीतून खेचत नेऊन एकाच्या रुममध्ये घेऊन जावून दुसरा आरोपीने पीडित महिलेला चाकूचा धाक दाखवून जबरदस्तीने शारीरीक संभोग केल्याचे पीडित महिलेने आपल्या तक्रारीत म्हटलं आहे.
सदर प्रकार जर कोणास सांगितला, तर जीवे ठार मारण्याची धमकी दोन्ही आरोपींनी त्यांना दिली. पीडित महिलेने चार दिवसांनी तुळींज पोलीसांशी संपर्क साधून तक्रार दाखल केली आहे. तुळींज पोलिसांनी आरोपींविरुद्ध आयपीसीच्या कलम 70(1) आणि 351(2) अंतर्गत गुन्हा दाखल केला असून फरार आरोपींचा शोध तुळींज पोलीसांकडून सुरू आहे.
Maharashtra | A 32-year-old woman was gang-raped at knifepoint in Santosh Bhavan in Nalasopara area of Palghar district. Based on the woman’s statement, Tulinj police registered a case against two accused, Jitendra Yadav and Avi Jaiswal under sections 70(1) and 351(2) of the…
— ANI (@ANI) September 15, 2024
