Mumbai Crime: मुंबई: मुंबईतील सांताक्रुझ येथून एक धक्कादायक घटना समोर आली आहे. पाच वर्षाच्या मुलीचे अपहरण करून कुटुंबातील सदस्याने मुलीचे 90 रुपयांमध्ये विक्री केली. संतापजनक म्हणजे पुढे जाऊन देखील मुलीची 80 हजारात विक्री केली. या घटनेनंतर परिसरात एकच खळबळ उडाली. या प्रकरणी वाकोल पोलीस ठाण्यात गुन्हा दाखल करण्यात आला असून आरोपींना अटक करण्यात आले आहे.
हेही वाचा- राज्य उत्पादन शुल्कभरारी पथकाच्या कारवाईत 1 लाखाहून अधिक किमतीचा बनावट देशी दारूचा साठा जप्त
मिळालेल्या माहितीनुसार, सांताक्रुझ येथील वाकोला परिसरात राहणारी पाच वर्षाची मुलगी अचानक बेपत्ता होते. या प्रकरणी तिच्या पालकांनी मुलगी बेपत्ता असल्याची तक्रार केली दाखल केली. बेपत्ता मुलीला शोधण्यासाठी पोलिसांनी पथक नेमून कामे वाटून घेतली. तपास पथकांनी सलग दोन दिवस तांत्रिक तपास करून मुलीचा शोध घेतला. अखेर सीसीटीव्हीमध्ये पोलिसांना पुरावे दिसून आले.
तांत्रिक तपासात एका रिक्षाचालकावर संशय आला. पोलीसांनी चक्र फिरवत सांताक्रुझ येथील एका रिक्षाचालकाला ताब्यात घेतले. चालक लतीफ अब्दुल माजिद शेख याची कंबर कसून चौकशी करण्यात आली. चौकशीतून त्याने पीडित मुलीच्या मामा आणि मामीने मुलीची विक्री केल्याचे धक्कादायक खुलासा केला.
पोलिसांनी कुटुंबातील सर्व सदस्यांची चौकशी सुरु केली. सुरुवातीला मामा आणि मामीने उडवा उडवीची उत्तरे दिली परंतु त्यांची उत्तरे पुराव्या समोर शांत झाली. पोलीसांनी पनवेल येथून मुलाचा मामा लॉरेन्स निकलेस फर्नांडिस आणि मामी मंगल यांना अटक केली. त्यांनी मुलीचा ओळखीच्या एका करण मारूती सणस याला 90 हजार रुपयांला विक्री केली.
आरोपी करणने मुलीला 90 हजार रुपयांत वृंदा चव्हाण आणि अंजली कोरगावकर यांना विकले. पोलीस पथकांनी आरोप करणला पनवलेच्या उसर्ली बुद्रुक येथून ताब्यात घेतले आणि चौकशीत त्याने सर्व घटनेची माहिती दिली आणि गुन्ह्याची कबुली दिली.
वाकोला पोलीस पथकाने अवघ्या 48 तासात मुलीची आरोपींकडून सुटका केली आणि पालकांच्या स्वाधीन केले. पोलिसांनी या प्रकरणातील 5 आरोपींना ताब्यात घेतले असून आरोपी अंजलीचा शोध सुरु आहे.
