पुणे प्राईम न्यूज डेस्क: लग्न वेळेत करावं असं म्हटलं जातं. कारण, त्याने पुढील गोष्टी अगदी योग्यवेळी होतात. त्यामुळे लग्नाला उशीर करू नये, असे घरातील ज्येष्ठ मंडळी सांगतात. सध्याच्या काळात करिअर, उच्च शिक्षण, आत्मनिर्भर आणि योग्य जीवनसाथी शोधणे या कारणांमुळे लोक लग्नाचे वय पुढे ढकलत आहेत. उशिरा लग्न करण्याचे काही फायदे असले तरी त्याचे अनेक तोटेही आहेत.
भारतात पारंपारिक पद्धतीने लग्नाला खूप महत्त्व दिले जाते. जर एखाद्या व्यक्तीने उशीरा लग्न केले तर त्याला कौटुंबिक आणि सामाजिक दबावाला सामोरे जावे लागू शकते. याशिवाय, आयुष्यातील एका विशिष्ट वयानंतर एकटेपणा जाणवू लागतो, ज्यामुळे मानसिक दबाव आणि नैराश्येची समस्या उद्भवू शकते. वाढत्या वयानुसार शरीरात अनेक बदल होतात, त्यामुळे गर्भधारणा, उच्च रक्तदाब, मधुमेह आणि इतर आजारांचा धोका वाढतो. जे उशीरा लग्न करतात, त्यांना शारीरिक आणि मानसिक आरोग्याच्या समस्यांना तोंड द्यावे लागू शकते.
जसजसे वय वाढते तसतसे स्त्री आणि पुरुष दोघांची प्रजनन क्षमता कमी होते. 35 वर्षांच्या वयानंतर महिलांमध्ये प्रजनन क्षमता कमी होऊ लागते, ज्यामुळे गर्भधारणेमध्ये अडचणी येऊ शकतात. पुरुषांमधील वाढत्या वयाबरोबर शुक्राणूंच्या गुणवत्तेवरही परिणाम होऊ शकतो. परिणामी, बाळ होण्यामध्ये अडचणी येऊ शकतात. त्यामुळे योग्यवेळीच लग्न करणे फायद्याचे ठरू शकते.
