Yewala : येवला शहरात बोगस वधू-वर सूचक केंद्राच्या माध्यमातून विवाह इच्छुक तरुणांची फसवणूक करणाऱ्या आंतरजिल्हा टोळीचा पोलिसांनी पर्दाफाश केला आहे. येवला शहर पोलिसांनी पारेगाव रोड परिसरात छापा टाकून या टोळीतील संशयितांना ताब्यात घेतले.
तपासानुसार, ही टोळी विवाह ठरवून देण्याच्या नावाखाली तरुणांकडून 2 लाख रुपयांपर्यंत रक्कम घेत होती. विवाहानंतर काही दिवसांनी संबंधित मुलगी विविध कारणे सांगून घर सोडत असे. या पद्धतीने अनेक तरुणांची फसवणूक करण्यात आल्याची माहिती समोर आली आहे.
पोलिसांनी पारेगाव रोड परिसरातील एका घरावर कारवाई करत संशयितांना ताब्यात घेतले. प्राथमिक तपासात पारेगाव आणि सुरेगाव येथील 2 ते 3 तरुणांकडून लाखो रुपये उकळल्याचे निष्पन्न झाले आहे.
या प्रकरणी पुढील तपास सुरू असून, टोळीतील इतर सदस्यांचा शोध घेतला जात आहे.
